نیچه کوندن بیری قوراللی طالبلرنینگ قورشاوویده بولگن افغان حربیلری آخرگه کیلیب، اوشبو گروه تامانیدن آتیب اولدیریلدی. نامی سر سقله‌نیش شرطی بیلن سلام‌وطندارگه گپیرگن ولایت امنیتی بلند مرتبه‌لی بیر رسمیسی، حادثه بوندن ایکّی کون آلدین قندهار ولایتی غورک تومنی نینگ آخوندهای منطقه‌سیده یوز بیرگن دیدی. منبع، افغان ملی کوچلری نیچه ساعت قمل‌ده بولگندن سونگ طالبلر قولیگه توشگن دیگن.
ولایت والیسی‌نینگ سوزلاووچیسی صمیم خپلواک حادثه‌نی تصدیق ایتیب، اولدیریلگن حربیلر 22 ته دیگن. جناب خپلواک، بولردن 8 ته‌سی آتیب تشلنگن و باشقه قالگنی ایسه تَن جراحتی آلگن لیگینی بیلدیرگن. قندهار ولایتی والیسی نینگ سوزلاووچیسی، یره لنتگنلر دواله‌نیش اوچون قونالغه ساغلیقنی سقلش مرکزیگه ییتکزیلگن.
عین حالده، ییتکرمه (رسانه)لرگه طالبلر تامانیدن کیلگن پیامده قمل‌ده بولگن حربیلرنینگ سانی 50 نفر دییلگن. پیامده اوشبو حربی عسکرلر بوتونلی اولدیریلگن‌لیکدن علاوه بولرنینگ برچه حربی انجاملری هم بو حرکت قولیگه توشگن.
