ملی خوفسیزلیک کینگشی مسووللری نینگ ایتیشیچه، حکومت و طالبان گروهی نینگ تخنیکی تیملری محبوسلرنینگ قوییب یوباریلیشی خصوصیده، صحبت قیلگنلر.
ملی خوفسیزلیک کینگشیگه کوره، مذکور سوزلشوولر اوتگن "سهشنبه" کونی کابلده اوتکزیلگن.
بوگون "چهارشنبه" ملی خوفسیزلیک کینگشی نینگ بیر توییت آرقهلی ایتیشیچه، سوزلشوولر یخشی شکلده اوتکزیلگن.
اوشبو کینگش سوزلاوچیسی جاوید فیصل نینگ ایتیشیچه، مذکور اوچرهشووده محبوسلرنینگ قوییب یوباریلیشی خصوصیده صحبت قیلینگن و صحبتلرنینگ دوام قیلیشی توغریسیده قرار قیلینگن.
جناب فیصلگه کوره، قیزیل عاج نمایندهلری اوشبو اوچرهشوودن نظارت قیلگن.
طالبان گروهی، اوتگن کونی 3 کیشیلیک بیرهیات نینگ محبوسلرنی قوییب یوباریلیشی خصوصیده مذاکره قیلیش اوچون کابلگه سفر قیلگنیدن خبر بیرگن ایدی.
طالبان گروهی نینگ ایتیشیچه، مذکور هیات طالبان محبوسلری نینگ قوییب یوباریلیشی جریانیدن نظارت قیلهدی.
