بوگون «شنبه» ایرته‌لب ساعت 4 اطرافیده، طالبان گروهی نیچه تاماندن تخار ولایتی نینگ اشکمش تومنی مرکزی اوستیگه هجوم قیلگن. مذکور گروه نینگ جنگریلری، اشکمش تومنی بازاری نینگ ایریم قسمت‌لرینی باسیب آلیب و اوزلرینی پولیس قومندانلیگی بِناسی گه یقینلشتیرگن.
محل یشاوچیلریدن بیرقطاری نینگ ایتیشیچه، اشکمش تومنی پولیس قومندانلیگی نینگ بِناسی نیچه ساعت طالبان گروهی و امنیتی کوچلرنینگ آره‌سیده اوروش میدانی بولگن.
سلام‌وطندارگه صحبت بیرگن اشکمش تومنی اهالیسی سمیع خاوری نینگ ایتیشیچه، طالبان گروهی اشکمش بازاری نینگ بیر قسمتی نی نظارت گه آلگن و اهالی دکانلریدن بیرقطاری، آتیشمه‌لر نتیجه‌سیده اوتگه یانگن.
شونینگدیک، اشکش ولسوالی قیوم قانع نینگ ایتیشیچه، طالبان گروهی بیرینچی دن گروهی بیر هجوم نتیجه‌سیده بازارنینگ ایریم قسمتی‌نی نظارت گه آلگن، بیراق مرکزدن یاردمچی کوچ ییتیشگنیدن سونگ، طالبان نینگ هجومی آرقه گه قیتریلگن.
اونگه کوره، طالبان گروهی اهالی اویلریده سنگر آلیشگن و امنیتی کوچلر هم بو تومنده عملیات یولگه قوییش خصوصیده تیارگرلیک آلگن.
اشکمش ولسوالی نینگ کوپه یتیریشیچه، امنیتی کوچلرنینگ هوایی هجومی نتیجه‌سیده طالبان جنگریلریدن کوپینچه‌سی هلاک ایتیلگن.
امنیتی بیر منبع تامانیدن بیریلگن معلومات اساسیده، طالبان گروهی بیر هفته‌دن بویان اشکمش تومنی نینگ مرکزی اوستیگه هجوم قیلیش اوچون تیارگرلیک آلگن ایکن و شو یوزه‌دن تخار ولایتیده طالبان گروهی نینگ ییریک رسمی‌لریدن بیرقطاری، جمله‌دن مذکور گروه تامانیدن تخار ولایتیده حاکم ناملنگن مولوی محسن، حربی مسؤولی مولوی عبدالرحیم و تخار ولایتیده طالبان گروهی نینگ قیزیل قطعه‌سی قومندانی اشکمش تومنیده جای آلیشگن ایکن.
تخار پولیسی سوزلاوچیسی خلیل اسیرنینگ ایتیشیچه، امنیتی کوچلر اشکمش تومنیده طالبان گروهی نینگ قته‌غن قیلیش اوچون تدبیر آلیشگن و تیزلیک‌که ییر و هوا دن عملیات باشلنه‌دی.
تخار خوفسیزلیک مسؤوللری نینگ ادعا قیلیشیچه، بوگون ایرته اشکمش تومنیده یوز بیرگن آتیشمه‌ده امنیتی کوچلرگه زیان ییتمه‌گن، بیراق حربی کوچلرنینگ هوایی هجومی نتیجه‌سیده طالبان گروهی کوپلب قربانلیک بیرگن.
شو توغریده…
تخارده طالبان عسکرلرنی آتیب اولدیریلگندن سونگ، جسدلرینی اوت بیرگن
