د بغلان ولایت د دهنېغوري ولسوالۍ ځېنې زدهکوونکي وايي، چې د دې ولسوالۍ د پوهنې ریاست د حاضرۍ تر څنګ طالبانو هم د دوی لهپاره حاضري او ترقيتعلیم جوړ کړی دی.
د دوی پر وینا، که کوم ښوونکی ښوونځي ته ناوخته لاړ شي ۲۰۰ او که غیرحاضري وکړي؛ نو ۵۰۰ افغانۍ جریمه کېږي.
د دې زدهکوونکیو په نظر، طالبانو د ورزش او انګلیسي ژبې مضمونونه له مهالوېشه ویستي او پر ځای یې د خپل درسي نظام کتابونه په تدریس بهیر کې شامل کړي دي.
په همدې حال کې د بغلان ولایتي شورا غړی فیروزالدین ایماق وايي، پهداسې حال کې چې د ښوونځي لګښت او معاشونه د حکومت لهخوا ورکول کېږي؛ خو ښوونځي د طالبانو له لوري مدیریت کېږي.
د ایماق په خبره، طالبان پهخپلو نفوذي سیمو کې په معارف، قضا او سیاسي پرګرامونو کې په منظمه توګه لاسوهنه کوي.
د بغلان د ولایتي شورا دا غړی وايي، که حکومت د دې ولسوالۍ د بېرته نیولو هڅه نهکړي؛ طالبان به پهدې ولسوالۍ کې نورې اندېښنې هم راپورته کړي.
له بل لورې یوې سرچینې د نوم نه ښودلو په شرط سلام وطندار ته وویل، د دې ترڅنګ چې وسلهوال طالبان له استادانو اخاذه اخلي؛ د ملي ماتم پر ورځ یې د زراعت ښوونځي ښوونکي یې د غیرحاضرۍ له امله وهلي او ډبلي وو.
خو بغلان د پوهنې رییس غلام محیالدین پیکان حیدري دا ستونزه ردوي او وايي، چې تراوسه ورته د دهنېغوري د پوهنې مدیر یا کوم ښوونکي شکایت نهدی کړی.
شاوخوا یو کال کېږي، چې د بغلان ولایت دهنېغوري ولسوالۍ د وسلهوالو طالبانو په ولکه کې ده او حکومت تر اوسه پهدې نه دی توانېدلی چې دغه ولسوالي د طالبانو له ولکې خلاصه کړي.
