افغانستان ایچکی ایشلر وزیرلیگی بیر خبرنامه‌ده ایتیشیچه، طالبان گروهی امنیتی کوچلرنینگ هیچ بیر محبوسی نی قوییب یوبارمه‌گن.
ایچکی ایشلر وزیرلیگی نینگ خبرنامه‌سیده کیلیشیچه، مملکت ولایت‌لریدن اولر تامانیدن قولگه کیریتیلگن معلومات اساسیده، طالبان تامانیدن امنیتی کوچلرنینگ محبوس‌لری قوییب یوباریلگنی توغریسیده هیچ بیر معلومات اثباتلنمه‌گن.
قربان هییت بیره‌می دن بیر کون آلدین طالبان گروهی نینگ اعلان قیلیشیچه، مذکور گروه قربان هییت بیره‌می مناسبتی بیلن ارزگان، قندوز، خوست و سرپل ولایت‌لریدن 76 امنیتی عسکرنی قوییب یوباریشگن.
اوتگن کون جمهور رئیس غنی بیر فرمان صادر قیلیب قربان هییت مناسبتی بیلن 35 جنگری طالب نی قماقخانه‌دن قوییب یوباردی.
