قطرده تینچلیک سوزلشوولری بوییچه طالبان هیأتی باشلیغی شیرمحمدعباس استانکزی، آمریکا جمهوررئیسی دونالد ترامپ‌دن تینچلیک سوزلشوولری قیته باشلنیشی نی سوره‌گن.
او، بی‌بی‌سی بیلن بیر صحبت اوتکزیب ایتیشیچه، مذکور گروه تینچلیک کیلیشوونامه‌سی امضالنگنیدن کیین آمریکا بیلن آتیش کیسین گه تیار دیر.
آمریکا جمهور رئیسی دونالد ترامپ، طالبلرنینگ کابل‌ده اویوشتیرگن قانلی هجومی‌ده کیم آمریکالیک بیر عسکر شامل 12 کیشی نینگ هلاک ایتلیشی گه سبب بولدی، طالبلربیلن تینچلیک سوزلشووینی بیکار و رد قیلدی.
جناب استانکزی، آمریکا بیلن سوزلشوولر دوامی گه تیارگرلیک‌لری اوستیگه اورغوله‌گن.
اونگه کوره، جناب ترامپ ایکی تامان آره‌سیده تینچلیک کیلیشوونامه‌سی نهایی و امضا گه تیار بولگن حالده، سوزلشوو توخته‌لیش قراری نی آلدی.
قطرده تینچلیک سوزلشوولری بوییچه طالبلر هیأتی باشلیغی، آمریکا جمهور رئیسی‌دن مذکور قرار توغریسیده قیته‌دن فکر قیلیب و وتینچلیک سوزلشووی میزی اوستیگه قیتیشی نی سوره‌گن.
جناب استانکزی نینگ ایتیشیچه، آمریکا سوزلشوو میزی اوستیگه قیتمه‌ی و اوروش گه دوام بیرگن حالده «اوروش طالبان گه تحمیل بولیب و اولر اوزلریدن مدافعه قیلیش گه مجبورلنه‌دیلر.»
عین حالده، اوتگن کون (25- سنبله دوشنبه کونی) طالبلرنینگ بیر هیأتی تهران باریب و ایران رسمیلری بیلن اوچره‌شگن.
شو توغریده:
- تینچلیک سوزلشوولری ترامپ تامانیدن لغو ایتیلدی
ترامپ ملی خوفسیزلیک مصلحتچیسی نی چیکلنتیردی
ترامپ: طالبان گروهی قیلگن کته خطا‌لرینی قنده‌ی جبران قیلیش‌نی بیلمه‌یدی
قطرده طالبان سیاسی دفتری سوزلاوچیسی سهیل شاهین توییتر صحیفه‌سیده یازیشیچه، مذکور دفترنینگ 4 اعضاسی قطرده‌گی طالبان سیاسی دفتری اورین باسری عبدالسلام حنفی رهبرلیگی‌ده، ایران تامان سفر قیلیب و مذکور مملکت تشقی ایشلر وزیرلیگی رسمیلری بیلن اوچره‌شگن.
جناب شاهین نینگ یازیشیچه، مذکور اوچره‌شووده ایکی تامان دواملی بیر تینچلیک تأمین ایتیلیشی، افغانستانده ایران اقتصادی پروژه‌لری آلغه کیتیشی و افغانستان تینچلیگی پروسه‌سیده سونگی اوزگریشلر خصوصیده سوزلشگنلر.
آمریکا و طالبان گروهی آره‌سیده افغانستان تینچلیک سوزلشوولری توختتیلگنیدن کیین قطرده طالبان سیاسی دفتری اعضالری نینگ بیر هفته جریانیده بو ایکینچی سفری دیر.
بوندن آلدین (23-سنبله شنبه کونی) روسیه نینگ «تاس» آژانسی طالبلرنینگ بیر هیأتی مسکو تامان سفر قیلگنی توغریسیده گزارش بیرگن ایدی.
اوشبو آژانس قطرده طالبان سیاسی دفتری سوزلاوچیسی سهیل شاهین‌دن نقل قیلیب یازیشیچه، مذکور هیأت (22-سنبله جمعه کونی) مسکو بارگن و افغانستان بوییچه روسیه خاص نماینده‌سی ضمیر کابلوف بیلن اوچره‌شگن.
شو توغریده:
