سلام‌وطندارگه صحبت بیرگن جوزجان پولیس قومندانی عبدالواحد وجدان نینگ ایتیشیچه، جوزجان-بلخ قتناو یولیدن طالبان گروهی نفت تاشووچی آلتی موتر و 12 یوللاوچیسی‌نی اوزلری بیلن آلیب کیتگن.
جوزجان پولیس قومندانی گه کوره، بو واقعه اوتگن کون کیچ قورون خانقاه تومنی نینگ شاه میرزای منطقه‌سیده یوز بیرگن.
جناب وجدان نینگ ایتیشیچه، طالبان گروهی هردایم جوزجان-بلخ قتناو یولیدن نفت تاشووچی تانکرلرنی اوزلری بیلن آلیب کیتیب و تیل‌لرینی آقچه و خانقاه تومنلری نینگ یشاوچیلری گه ساته‌دی.
گزارش‌ده آتی آلینمه‌سینی ایستمه‌گن ایشانچ‌لی بیر منبع نینگ سلام‌وطندارگه ایتیشیچه، طالبان گروهی نفت تاشووچی تانکرلرنی برچه یوللاوچی‌لری بیلن بیرگه جوزجان ولایتی نینگ آقچه تومنی خانقاه عربیه قیشلاغی گه انتقال بیرگن.
منبع گه کوره، کونده‌لیک بو یولدن 70 دن آرتیق نفت تاشووچی تانکر اوته‌دی و طالبان هر بیر موتردن 30 مینگ افغانی نقد پول آله‌دی.
طالبان گروهی حاضرگچه بو توغریده میدیالرگه هیچ نرسه دیمه‌گن.
شو توغریده…
طالبان گروهی تاش‌کومیر موترلرینی 50 دن آرتیق هیداوچیسینی اوغیرلگن
