بوگون (شنبه 3- جوزا) ایچکی ایشلر وزیرلیگی سوزلاوچیسی طارق آرین نینگ ایتیشیچه، طالبان آمریکا بیلن تینچلیک کیلیشوونامه‌سینی امضاله‌گندن کیین، هجوم‌لرنی کوپه‌یتیریش بیلن اوز وعده‌لرینی نقض قیلیشگن.
طالبان و آمریکا آره‌سیده تینچلیک کیلیشوونامه‌سی امضالنگنیدن بویان، مذکور گروه نینگ هجوم‌لری باعث عیاللر و باله‌لر شامل 523 کیشی هلاک و باشقه بیر مینگ و 144 کیشی یره‌لنگن.
آرین گه کوره، طالبان سونگی 6 آی جریانیده 14 ولایتده 110 بنیادی پروژه‌لر و عامه تأسیسات‌لر اوستیگه هجوم قیلگن کیم نتیجه‌ده، 40 مکتب، 40 کوپریک و کوپریکچه، 15 برق پایه‌سی، 4 ساغلیک مرکزی و شونینگدیک بیر نیچه مسجد و شونگه اوخشش نیرسه‌لر بوزیلگن.
ایچکی ایشلر وزیرلیگی سوزلاوچیسی نینگ کوپه‌یتیریشیچه، مملکت امنیتی کوچلری جمهوررئیس نینگ بویروغی اساسیده، دفاعی حالتتن تهاجمی حالت گه اوزگرگنیدن بویان، امنیتی کوچلر ترورچی گروه‌لرگه قرشی نیچه هجوم اویوشتیرگن.
بوندن آلدین ملی خوفسیزلیک کینگش دفتری، طالبان رمضان آیی‌ده مملکت 30 ولایتی‌ده 146 تینچ‌اهالی نی اولدیریب و باشقه 430 تینچ‌اهالی نینگ یره‌لنتیرگن‌لرینی اعلام قیلگن ایدی.
