.jpg)
سلام‌وطندارگه صحبت بیرگن طالبان رسمی‌لریدن بیری، مذکور گروه نینگ والی‌لری و قطار ییریک رسمی‌لری پاکستان گه سفر قیلگنیدن خبر بیرگن.
اوشبو منبع گه کوره، بو سفر تینچلیک سوزلشوولری و طالبان گروهی تشکیلاتی‌ده اوزگریش کیریتیلیشی توغریسیده قرار آلینیشی اوچون عمل گه آشیریلگن.
منبع نینگ کوپه‌یتیریشیچه، طالبان گروهی نینگ کوکلم‌لیک عملیاتی باشله‌نیشی توغریسیده قرار قیلینگن ایکن، بیراق تینچلیک سوزلشوولری باعث، نامعلوم مدتگچه توخته‌تیلگن.
طالبان گروهی نی اوشبو ییریک اعضاسی نینگ ایتیشیچه، تینچلیک سوزلشوولری یخشی بیر نتیجه بیرمه‌گن صورتده، کوپینچه ولایت‌لرده مذکور گروه نینگ تشکیلاتی اوزگریب و اولرنینگ کوکلم‌لیک عملیاتی باشله‌نیشی ممکن.
بو توغریده طالبان گروهی نینگ سوزلاوچیسی ذبیح‌الله مجاهدنینگ فکرینی اورگه‌نیش اوچون علاقه قوردیک، بیراق جناب مجاهد بو توغریده جواب بیریش‌دن وازکیچگن.
شو توغریده…
«تینچلیک سوزلشوولریده افغانستان حکومتی نینگ اورنی برجسته بوله‌دی»
طالبان گروهی تینچلیک مصلحتی لویه جرگه ده اشتراک قیلمه‌یدی
.jpg)
عین حالده، تینچلیک عالی کینگشی سوزلاوچیسی‌نی اورین باسری اسدالله ظاهری، طالبان گروهی نینگ والی‌لری و قطار ییریک رسمی‌لری پاکستان گه سفر قیلگنی توغریسیده هیچ نرسه دیمه‌یدی، بیراق اورغولشیچه، تینچلیک عالی کینگشی و افغانستان حکومتی، طالبان گروهی بیلن سوزلشوو کوچله‌نیشی گه سبب بوله‌دیگن هر بیر جریاندن حمایت قیله‌دی.
طالبان گروهی بیلن آمریکا نماینده‌لری آره‌سیده تینچلیک سوزلشوولرینی آلتینچی دوری جاری میلادی آی‌نی 14- و 15- کونلری قطرده یولگه قوییلیشی خصوصیده قرار قیلینگن ایدی، بیراق بو ییغین ایریم دلیل‌لر باعث، جاری میلادی آی‌نی 19- و 21- کونلری گه آرتده قالدیریلدی.
