دایکندی ولایتی کینگش اعضالریدن قطاری نینگ ایتیش‌لریچه، طالبان دایکندی – قندهار قتناو یولیدن عیاللر و باله‌لر شامل کمیده 50 یولاوچی نی گرو آلگن.
دایکندی ولایتی کینگش اعضاسی غیرت‌علی جواهری نینگ سلام‌وطندارگه ایتیشیچه، طالبان اوچ کون آلدین دایکندی – قندهار قتناو یولی نی باغله‌ش بیلن 7 یولاوچی تاشووچی و 10 یوک تاشووچی موتر شامل 17 موترنی یولاوچی‌لری بیلن مذکور قتناو یولدن گرو آلگن.
گرو آلینگن یولاوچیلر دایکندی ولایتی نینگ کجران و کیتی تومن یشاوچی‌لری بولیب، هزاره و بلوچ قومی گه تیگیشلی دیر.
جناب جواهری گه کوره، طالبان گرو گه آلیش عاملی نی بیر ایرکک بیلن بیر عیال نظارت‌لریگه بولگن منطقه‌دن کجران تومنی گه قاچگنی دیب اورغولشیچه، کجران یشاوچی‌لری مذکور ایکی کیشی نی اولرگه تسلیم بیرمه‌گن صورتده، گرو آلیش گه دوام بیره‌دیلر.
دایکندی ولایتی کینگش نینگ اوشبو اعضاسی گه کوره، طالبان نظارتی گه بولگن منطقه‌دن قاچگن ایرکک و قیز ارزگان ولایتی نینگ گیزاب تومنی گه بارگن.
شونینگدیک دایکندی امنیتی مسئوللری بو خبرنی تصدیق‌لب ایتیش‌لریچه، طالبان گروهی 7 – 10 یوک تاشووچی موترنی هیداوچی‌لری بیلن کجران تومنی نینگ «غرمه» منطقه‌سیده توختتگن.
دایکندی پولیس قومندانی غلام سخی غفوری نینگ ایتیشیچه، کجران تومنی نینگ محلی مسئوللری و قوم بویوک‌لری بو موضوع حقیده طالبان بیلن مذاکره گه باشله‌گن و ایرته گه قدر بو موضوع حل ایتیلیشی ممکن.
دایکندی پولیس قومندانی گه کوره، حاضر یالغیز دایکندی – بامیان قتناو یولی کیلیب-کیتیش یوزیگه آچیق دیر و باشقه قتناو یوللر طالبان جنگریلری نینگ حضوری باعث باغلیق دیر.
بیراق دایکندی ولایتی کینگش اعضالری نینگ ایتیش‌لریچه، طالبان گروهی نینگ قیزیل قطعه اعضالری و شونینگدیک بو گروه نینگ باشقه جنگریلری فرصتدن فایده‌لنیب کجران تومنی گه هجوم قیلیش اوچون مذکور تومن نینگ چیگره‌لریده توپلنگن.
کجران دایکندی ولایتی نینگ ناتینچ تومن‌لریدن بیری دیر کیم ایریم پیتلر طالبان جنگریلری و امنیتی کوچلر آره‌سیده جدی آتیشمه گه شاهد بوله‌دی.
