افغانستان بوییچه محلی ارگانلر ایرکین اداره‌سی مسؤوللری نینگ ایتیش‌لریچه، طالبان نینگ کابل گه کیلگن 3 کیشی‌لیک هیأتی اوشبو گروه نینگ حبس‌ده‌گی 15 ییریک قومندانی قوییب یوباریلیشی‌نی طلب قیلگن.
محلی ارگانلر ایرکین اداره‌سینی عمومی باشلیغی عبدالمتین بیک نینگ ایتیشیچه، طالبان نینگ محبوس‌لری قوییب یوباریلیشی توغریسیده افغانستان حکومتی بیلن صحبت قیلیش اوچون کابل گه کیلگن مذکور گروه نینگ 3 کیشی‌لیک هیأتی، کابل شهریده کته تروریستی عملیات‌لرده قولی بولگن 15 ییریک قومندانی قوییب یوباریلیشی‌نی سوره‌گن.
جناب بیک گه کوره، افغانستان حکومتی اهالی نینگ اولیمی گه مسؤول بولگن‌لرنی قوییب یوبارمه‌یدی.
متین بیک نینگ اورغولشیچه، طالبان تینچلیک ایستمه‌یدی و افغانستان دولتی نینگ تینچلیک طلب سیسی گه ایجابی جواب بیرمه‌یدی. اونگه کوره، طالبان نینگ محبوس‌لری زوروانلیک‌لر کمه‌ییشی گه سبب بوله‌دیگن میکانیسم اساسیده، قوییب یوباریلیشی کیره‌ک.
