مملکت تشقی ایشلر وزیرلیگی، جمهورلیک ریاستی سیلاویدن سونگ، آمریکا و طالبان گروهی آره‌سیده بولگن تینچلیک سوزلشوولر باشله‌نیشی‌دن خبر بیرگن ایدی.
شونینگدیک، طالبان گروهی نینگ قطرده‌گی سیاسی دفتری سوزلاوچیسی سهیل شاهین نینگ سلام‌وطندارگه ایتیشیچه، چیت‌ایللیک‌لرنینگ حضوری بولگن صورتده، یولگه قوییلگن سیلاو اولر تامانیدن قبول‌لنمه‌یدی، بیراق جمهورلیک ریاستی سیلاویدن سونگ، آمریکالیک‌لر بیلن مذاکره قیلیش‌نی ایسته‌یدیلر.
عین‌حالده، مملکت سابق جمهوری باشلیغی حامد کرزی، بوگون "پنجشنبه" کابلده بیر خبری ییغین آرقه‌لی، آمریکا و طالبان گروهی آره‌سیده بولگن تینچلیک سوزلشوولرنی قیته‌دن باشله‌نیشی‌نی سوره‌گن.
اونینگ کوپه‌یتیریشیچه، آمریکا و طالبان گروهی آره‌سیده بولگن سوزلشوولر قیته‌دن باشلنمه‌گن صورتده، چین و روسیه مملکت‌لری‌نی افغانستانلیکلر آره‌سیده بولگن سوزلشوولر باشله‌نیشی اوچون طالبان گروهی‌نی تشویق قیلیش‌لری کیره‌ک.
مملکت سابق جمهور باشلیغی، طالبان گروهی‌دن افغانستانلیکلر ارا سوزلشوولر باشله‌نیشی‌گه تیارگرلیک کورسه‌تیشینی سوره‌گن.
اوتگن کونی مملکت تشقی ایشلر وزیرلیگی سوزلاوچیسی بیرخبری ییغین آرقه‌لی، جمهورلیک ریاستی سیلاویدن سونگ، آمریکا و طالبان گروهی آره‌سیده بولگن سوزلشوولرنینگ باشله‌نیشی‌دن خبر بیرگن بیرحالده، بو صحبت‌‍‌لر بیان ایتیله‌دی.
