قطرنینگ دوحه شهریده آمریکا و طالبان نماینده‌لری آره‌سیده 9- تینچلیک سوزلشوولری 7- کونی گه کیردی.
میدیالردن بیرقطاری تامانیدن بیریلگن گزارش اساسیده، آمریکا و طالبان آره‌سیده تینچلیک کیلیشوونامه‌سی نینگ متنی نهایی بولگن و ایکی تامان کیلیشگن.
بیراق، قطرده طالبان سیاسی دفتری سوزلاوچیسی سهیل شاهین نینگ سلام‌وطندارگه ایتیشیچه، مذکور گروه نماینده‌لری و آمریکا هیأتی کیلیشووگه یقینلشگن؛ بیراق اورغولشیچه، تشقی کوچلر چیقیشی توغریسیده بولگن زمان‌بندلیک جدول تعیین ایتیلگونگه‌قدر هیچ‌قنده‌ی کیلیشوو بولمه‌یدی.
اونینگ ایتیشیچه، تینچلیک کیلیشووی حاضرگچه نهایی بولمه‌گن و نهایی بولیش عره‌فه‌سیده دیر.
جناب شاهین نینگ ایتیشیچه، دوحه ییغینیده وقتینچه‌لیک حکومت تشکیل ایتیلیشی توغریسیده بحث قیلینمه‌گن، بیراق افغانستاندن تشقی کوچلر چیقیشی توغریسیده زمان‌بندلیک جدول تعیین ایتیلگونگه‌قدر هیچ‌قنده‌ی کیلیشوو بولمه‌یدی.
عین حالده، آمریکا تشقی ایشلر وزیری مایک پومپیونینگ ایتیشیچه، مملکتی افغانستانده دایمی قالیشنی ایستمه‌یدی و افغانستاندن تیزلیک‌که عسکرلری نینگ چیقاریشنی ایسته‌یدی.
جناب پومپیوگه کوره، آمریکا، افغانستانده القاعده ترماغی نی مغلوب ایتیش مأموریتی ده مؤفق بولگن.
عین دمده، فرانسه ده اوتکزیلگن جی 7 گروه ییغینیده آمریکا جمهور رئیسی دونالد ترامپ نینگ ایتیشیچه، افغانستاندن آمریکا کوچلری نی چیقاریش خصوصیده هیچ بیر زمانی جدول یوق دیر و بو مملکت افغانستاندن عسکرلرینی چیقاریش گه شاشینمه‌یدی و بیر قطار منبع‌لرگه کوره، بو بیانات دوحه ده تینچلیک سوزلشوولری اوستیگه تأثیر قویگن.
شو توغریده…
طالبان: افغانستاندن تشقی کوچلرنینگ چیقیشی تینچلیک کیلیشوونامه‌سیده بیرینچی شرط دیر
