بیرمنبع نینگ وال‌استریت ژورنال کونده‌لیگی‌گه ایتیشیچه، آمریکا و طالبان آره‌سیده بولگن تینچلیک سوزلشوولر باشله‌نیشی اوچون آمریکا سعی و حرکت قیله‌دی.
وال‌استریت کونده‌لیگی نینگ گزارشی‌گه کوره، افغانستان تینچلیک لایحه‌سی بوییچه آمریکا خاص نماینده‌سی، بیرلشگن ملت‌لر تشکیلاتی‌ده دیپلمات‌لر بیلن بحث قیلگنی‌دن سونگ، طالبان گروهی نینگ قطرده‌گی سیاسی دفتری باشلیغی ملابرادر بیلن اوچره‌شگن.
اوشبو گزارش‌گه کوپه‌یتیریلیشیچه، بو اوچره‌شووده آمریکا و طالبان نماینده‌لری زوره‌وانلیک کمه‌یشی و محبوس‌لرنینگ اوزگرتیریلیشی خصوصیده صحبت قیلگنلر.
وال‌ستریت ژورنال نینگ مذکور منبع‌دن نقل قیلیب ایتیشیچه، طالبان گروهی «انس حقانی» قوییب یوباریلیشی‌نی و اونگه قرشی آمریکالیک و استرالیالیک ایکی استاد نینگ قوییب یوباریش‌لرینی پیشنهاد قیلگن.
وال‌استریت ژورنال نینگ یازیشیچه: «آمریکا و طالبان آرا شرطنامه نینگ دستلبکی متنی اساسیده، آمریکا کوچلریدن 5 مینگ ته‌سی کیله‌جک 180 کون جریانیده افغانستاندن چیقه‌دی و باشقه حربی‌لری کیله‌جک بیرییل جریانیده افغانستانی ترک قیله‌دی. شونینگدیک، طالبان گروهی القاعده بیلن بولگن رابطه‌لرینی کیسیب و افغانستان نینگ تروریسم مرکزیگه اوزگرمه‌یشی خصوصیده ضمانت بیره‌دی.»
