اوچ کون آلدین خان‌آباد – قندوز قتناو یولیده کمیده 300 درخت طالبان آرقه‌لی کیسیلدی. مذکور حادثه‌دن اوچ کون اوتیشی بیلن قندوز یشاوچی‌لریدن قطاری نینگ سلام‌وطندارگه ایتیش‌لریچه، طالبان حاضرگچه هم یشیل درخت‌لرنی کیسماقده.
قندوز شهری نینگ لودین منطقه یشاوچیسی عبدالودود نینگ سلام‌وطندارگه ایتیشیچه، طالبان نیچه کون آلدین اوشبو درخت‌لر منطقه یشاوچی‌لری آرقه‌لی کیسیلمه‌گن صورتده، بو گروه جنگریلری آرقه‌لی کیسیلیشی توغریسیده اولرنینگ آگاه‌لنتیرگن ایدی.
اونگه کوره، طالبان ایکی کوندن بویان اهالی نینگ رضایتی نی آلمه‌سدن کمیده بیر مینگ درخت نی بو شهر – لودین، ملرغی و خواجه غلطان نینگ ایریم بولیمی‌ده کیسگن. اونینگ ایتیشیچه، اوشبو منطقه یشاوچی‌لری طالبان گه قرشی هیچ بیر ایش قیله آلمه‌یدی.
قندوز یشش محیط ریاستی باشلیغی حشمت‌الله جلیلی نینگ سلام‌وطندارگه ایتیشیچه، طالبان گروهی اعضالری مذکور قتناو یول نینگ 10 – 15 کیلومتر درخت‌لرینی کیسگن و درخت‌لرنی کیسیش حاضر هم مذکور گروه جنگریلری آرقه‌لی دوام تاپماقده.
اونینگ ایتیشیچه، طالبان کیسیلگن درخت‌لرنی اوز نظارت‌لریده‌گی منطقه‌لرده انتقال بیریشه‌دی.
قندوز حاکمی سوزلاوچیسی عصمت‌الله مرادی نینگ ایتیشیچه، طالبان انسان‌لرگه قرشی جرم‌لرگه قول اورگن بیر بیرحالده، حاضر طبیعت و یشش محیط گه قرشی دشمن‌لیکلرینی اعلام قیلیب و درخت‌لرنی کیسیب کیلماقده.
طالبان گروهی بیر اعلامیه ترقه‌تیب ایتیشیچه، مذکور قتناو یول درخت‌لری برشنا شرکتی نینگ ایسته‌گی و شونینگدیک اهالی نینگ رضایتی باعث کیسیلگن. طالبان گه کوره، اوشبو قتناو یول درخت‌لری کیبل‌لر بوزیلیشی و برق کیسیلیشی گه سبب بوله‌دی ایکن.
قندوز برشنا ریاستی طالبلرنینگ بو ادعاسینی رد قیلگن.
