دغه شمېر سرتېري د فراه ولایت د جوین ولسوالۍ په تختتیوسک سیمه کې بېګا ماښام مهال وژل شويدي.
د فراه سیاسي فعاله بلقیس روشن وایي، دولتي سرتېري د جوین ولسوالۍ د نوي امنیه قوماندان د ورپېژندنې په موخه یادې ولسوالۍ ته روان وو چې د طالبانو له کمین سره مخ شول.
مېرمن روشن زیاتوي، په پېښه کې د جوین د نوي امنیه قوماندان محمداقبال په ګډون ۲۲ دولتي سرتېري وژل شوي او د فراه د امنیت امر حاجي قادر پهکې ټپي شویدی.
د فراه ولایتي شورا مرستیال شاهمحمود نعیمي سلام وطندار ته د دې خبر په تایید سره وویل چې پهدې پېښه کې د امنیې قوماندانۍ د اپراسیون امر محمدالدین، د جوین ولسوالۍ قوماندان، د ۵مې حوزې امر زیارمل، د فراه د ګلستان ولسوالۍ د ټولي قوماندان شبهاز خان او ۱۸ سرتېرې وژل شويدي.
طالب ویاند قاري یوسف احمدي ویلي چې پلویانو یې ۲۰ دولتي سرتېري وژلي دي.
