د کندوز پولیسو د امنیت آمر صفيالله محزون سلاموطندار ته وویل چې وسلهوالو طالبانو تر ۱۲ مسافرو پرته نور ټول مسافر خوشې کړي دي.
د محزون په وینا، یاد ۱۲ کسان نظامیان دي چې د راخوشې کولو لهپاره یې هڅې روانې دي.
په همدې حال کې د طالبان ډلې ویاند ذبیحالله مجاهد وايي، د دغو نظامیانو په اړه یې مالومات لرل چې په ۴۰۴ ډوله موټر کې دي؛ نو ځکه یې د تخار ـ کندوز پر لویه لاره موټر ودرول او مسافر یې له ځانه سره بوتلل.
د ده په وینا، تر پوښتنو او ګروېګنو وروسته به ملکي کسان خوشې او نظامیان به له ځانه سره وساتي.
وسلهوالو طالبانو نن سهار د ۴۰۴ ډوله ۳ موټرو مسافر چې له تخار او بدخشان ولایتونو نه کابل ته روان وو، د تخار ـ کندوز لویې لارې له نیکپي سړکه له ځانه سره بیولي وو.
