وسلهوالو طالبانو په غور ولایت کې د ټاکنو خپلواک کمېسیون ۳ کارکوونکي او ۲ پولیس سرتېري تښتولي دي.
د غور ولایت د امنیې قوماندانۍ ویاند محمد اقبال نظامي وايي، پېښه نن ورځ شاوخوا یوه بجه د فېروزکوه ښار په الله شهر سیمه کې رامنځته شوې ده.
ښاغلی نظامي وايي، دغه د ټاکنو کمېسیون کارکوونکي او پولیس د طالبانو لهخوا تښتول شوي او د طالبانو تر کنترول لاندې سیمو ته وړل شوي دي.
د غور د پولیسو ویاند وايي، د راخوشې کولو لهپاره یې هڅې پيل شوي دي.
د غور ولایت د ټاکنو خپلواک کمېسیون رییس فضل الله جلالي پېښه تاییدوي، خو د زیاتو جزیاتو له ورکړې ډډه کوي.
تراوسه پورې وسلهوالو طالبانو په دې اړه څه نه دي ویلي.
