د لوګر سیمه ییز چارواکي وایي، چې تېره شپه ناوخته مهال وسله والو طالبانو د محمداغې ولسوالۍ د کتب خېلو د نجونو منځی ښوونځی په بشپړه توګه سوځولی دی.
د لوګر د ولایتي شورا غړي او د محمداغې ولسوالۍ اوسېدونکي محب الله صالح سلام وطندار ته وویل، چې تېره شپه د (ډېسمبر پر ۱۶مه) شاوخوا ۸ بجې یو ډله وسله والو طالبان د کتب خېلو منځي ښوونځي ته ورغلي، لومړی یې د ښوونځي ساتونکي تړلي او بیا ښوونځي په بشپړه توګه سوځولی او له منځه وړی دی.
صالح زیاتوي، چې په دغه ښوونځي کې ۵۵۰ تنه نجونو زده کړې کولې.
د ولایت مقام هم دغه خبر مني؛ خو له نورو معلوماتو ورکولو ډډه کوي.
وسله والو طالبانو تر اوسه پورې په دې اړه رسنیو ته څه نه دي ویلي.
