د ټاکنو خپلواک کمېسیون مسوولانو نن په کابل کې د خبري غونډې پرمهال اعلان وکړ چې د ټاکنو مهالوېش پر بنسټ، پرون له غزني ولایت پرته په ټول هېواد کې د ولسي جرګې او ولسوالیو شوراګانو د نوماندۍ لهپاره د نوملیکنې پړاو پای ته ورسېد.
د ټاکنو خپلواک کمېسیون رییس ګلاجان عبدالبدیع صیاد وايي چې یو زرو ۹۸۱ نرینهوو او ۳۸۱ ښځینهوو ولسي جرګې ته او ۸۵۱ نرینهوو او ۲۰۷ ښځینهوو د ولسوالیو شوراګانو ته ځانونه نوماند کړيدي.
د ولسي جرګې او ولایتي شورا نوماندانو وروستۍ نوملړ به د ټاکنو خپلواک کمېسیون لهخوا د نوماندانو د سندونو څېړلو وروسته د چنګاښ په ۷ مې نېټې اعلان شي.
د ښاغلي صیا په وینا، د امنیت نهشتوالي، فرهنګي ستونزو، د دولسم ټولګي فراغت سندونه نهلرل او د ټاکنو په قانون کې د ولسوالیو شوراګانو غړیو ته د امتیازاتو د نهشتوالي اله امله ډېرو لږو کسانو ځانونه د دغو شوراګانو غړیتوب ته نوماند کړيدي.
د ټاکنو خپلواک کمېسیون رییس زیاتوي، مخکې له وخته د نوماندانو ټاکنیزې مبارزې جرم دی او ښايې چې د نوماندانو پر نوماندۍ منفي اغېز وکړي.
دا داسې مهال دی چې مخکې تر دې ولسي جرګې ته ځېنو احتمالي نوماندانو په ټولنیزو شبکو کې د تبلیغاتي غونډو حال خپور کړیوی.
