.jpg)
مملکت‌نینگ بیر قنچه صنعتچی‌لری بوگون (شنبه) خبری بیر ییغین اوتکزیب، برشنا شرکتی‌نینگ سونگی کونلرده آلگن قراریگه اوز مخالفت‌لرینی معلوم قیلدیلر.
برشنا شرکتی برق‌نینگ بیر کیلوات بهاسینی 25% کوتارگن. بو مساله اقتصادگه سلبی تاثیر قالدیریشی‌نی ایتگن انجمن‌ده گپیرگن‌لر.
افغانستان صناعت باشلیغی سخی احمدپیمان، موجود قیینچلیکلیک‌لرگه قره‌می، اخیرگی اون بیش ییل‌ده مملکت صنعتچی‌لری‌نینگ یوتوقلری بولگن‌لیگی اوستی‌ده تاکید قیلگن. مملکت بولیب 2 مینگ کیچیک و کته فابریکه قوریلگن لیگی‌گه اشاره قیلگن پیمان، 4 یوزمینگ کیشی ایش ییرلری بیلن تامین ایتلگن‌لیگی توغریسی‌ده اشاره قیلگن. جناب پیمان، مملکت صناعتی بوگون 17 بولیم‌گه اوز مستقل‌لیگی‌گه ایریشگن لیگینی تیل‌گه آلگن.
افغانستان صناعت بیرلشمه‌سی‌نینگ باشلیغی، برشنا شرکتی‌نینگ 100% مشتریلریدن 7%نی مملکت صنعتچی‌لریدن تشکیل ایته‌دی دیدی. بیراق، برشنا شرکتی تاماندن برق بهاسی 25% کوتاریلیشی یامان عاقبت‌لر جمله‌دن ایش‌سیزلیک میزانی آشیشی و اقتصاد بولیمی‌گه سلبی تاثیر قوییشی امکاندن اوزاق ایمس دیگن.
.jpg)
شونینگ‌دیک آیسا اداره‌سی‌نینگ اورین باسری محمدعزیز بهرام، صرفلنه دیگن برق نرخی کوتاریلیشی اوچون آلینگن قرارده برشنا شرکتی صنعتچی‌لر همده سرمایه یاتقیزوچیلرینی نظرده توتمه‌گن لیکنی معلوم قیلگن.
جناب بهرام‌نینگ سوزلریگه اعتبار بیرگن حالده، برق بهاسی 25% کوتاریلیشی باره‌سی‌ده‌گی موضوع اوستی‌ده کابینه ینه عالی اقتصاد کینگشی‌ده بحث بولگن لیگینی تیل‌گه آلگن.
بوندن آلدین بیر کیلوات برق 2 افغانی تورردی؛ اما، هلی بیر کیلوات برق، صرفلاوچیلرگه 2افغانی 5 پول توره دی.
