.jpg)
د بهرنیو چارو وزیر صلاح الدین رباني امریکا ته د داعش ضد ایتلاف د غړیو هېوادونو د بهرنیو چارو وزیرانو په غونډه کې د ګډون په موخه امریکا ته په رسمي سفر ولاړ.
رباني امریکا ته له سفر مخکې په کابل کې خبري ناستې ته وویل، د واشنګټن په غونډه کې به په هغو ترهګریزو ګواښونه خبرې وشي؛ چې افغانستان ورسره مخ دی.
د بهرنیو چارو وزیر وویل، دولت په هېواد کې د بهرنیو ځواکونو د زیاتېدو په اړه په افغانستان کې د ناټو ځواکونو د لوی قوماندان جان نیکلسون د طرحې ملاتړ کوي او د داعش ضد ایتلاف د غړیو هېوادونو د غونډې په څنډه کې به د امریکا د بهرنیو چارو او دفاع وزیرانو، د امنیت شورا سلاکاران او د کانګرس له یوشمېر غړیو سره هم لېده کاته وکړي.
رباني همدا ډول په روان ۱۳۹۵ کال کې د بهرنیو چارو وزارت لاس ته راوړنو ته په اشارې وویل، په هېواد کې د ننه او بهر یې څو مهمې ناستې ترسره کړي، چې ډېرې لاس ته راوړنې یې هم درلودې.
.jpg)
د بهرنیو چارو وزیر زیاته کړه، په روان کال کې له اسلامې هېوادونو سره د افغانستان اړیکې ښې شوي او دغه هېوادونه اوس له ترهګری سره د مبارزی په برخه کې یوه خوله دي.
دی وايي، چې د تېر کال په پرتله د دې وزارت عواید هم ۴۵ سلنه لوړ شوي دي.
د بهرنیو چارو وزیر وویل، یو شمېر افغانانو ته له هېواده بهر برېښنايي پاسپورټونه ووېشل شول او په منځنۍ اسیا او یو شمېر نورو اروپايي هېوادونو کې دوېش چارې روانې دي.
