جمهورلیک ریاست سوزلاوچیسی صدیق صدیقی نینگ ایتیشیچه، طالبان آرقه‌لی زوروانلیکلر کوپه‌یتیریلیشی اهالی نینگ خواطرگه سالگن و زوروانلیکلر دوام تاپگن صورتده، تینچلیک سوزلشوولری باشله‌نیشی اوچون یره‌تیلگن ایشانچ ضرر کوریشی ممکن.
بوگون (شنبه 7- سرطان) جناب صدیقی کابل ده خبری بیر ییغین اوتکزیب ایتیشیچه، افغانستان دولتی مملکتده تینچلیک تأمین ایتیلیشی خصوصیده متعهد دیر و بو توغریده اونملی اَدیم‌لر کوتارگن.
اونینگ کوپه‌یتیریشیچه، جولای آیی‌ده افغانستان‌لیکلرارا سوزلشوولر باشله‌نیشی نی احتمالی بار و افغانستان حکومتی نینگ مذاکره قیله‌دیگن هیأتی تیار دیر و شونینگدیک اوشبو سوزلشوولر باشله‌نیشی اوچون دولت تامانیدن هیچ قنده‌ی توسیق‌لیک یوق.
اونگه کوره، سوزلشوولر باشله‌نیشی گه بیرار توسیق‌لیک نینگ احتمالی بولگن صورتده، او طالبان تامانیدن دیر.
صدیق صدیقی نینگ ایتیشیچه، حاضرگچه طالبان محبوس‌لریدن کمیده 4 مینگ ته‌سی تینچلیک سوزلشووی گه زمینه یره‌تیش اوچون دولت تامانیدن قوییب یوباریلگن.
عین حالده، رویترز خبرگزارلیگی نینگ گزارش بیریشیچه، قانلی و دهشت‌لی هجوم‌لرگه قولی بولگن طالبان محبوس‌لریدن 200 ته‌سی افغانستان دولتی تامانیدن قوییب یوباریلیشی توغریسیده افغانستان حکومتی و طالبان گروهی آره‌سیده بولگن جنجللر بیر آز حل بولگن و افغانستان‌لیکلرارا سوزلشوولر تیزلیکده باشله‌نیشی نی احتمالی بار.
مذکور گزارش گه کیلیشیچه، افغانستان حکومتی اوشبو 200 محبوس قوییب یوباریلیشی اورنیده بو گروه نینگ باشقه محبوس‌لری قوییب یوباریلیشی اوستیگه اورغوله‌گن.
رویترز افغانستان حکومتی رسمی‌لری نینگ بیری‌دن نقل قیلیب ایتیشیچه، طالبان محبوس‌لر اَلمشتیریلیشی خصوصیده کیلیشمه‌گن صورتده، افغانستان‌لیکلرارا سوزلشوولر آرتده قالیشی ممکن.
آمریکا و طالبان گروهی آرسیده امضالنگن تینچیلک کیلیشوونامه‌سی اساسیده، 5 مینگ طالبان محبوسی افغانستان حکومتی نینگ قماقخانه‌لریدن و شونینگدیک افغانستان امنیتی کوچلریدن 1000 ته‌سی طالبان توتقونیدن قوییب یوباریلیشی کیره‌ک.
حکومت حاضرگچه طالبان محبوس‌لریدن 3 مینگ و 895 ته‌سینی قوییب یوبارگن و شونینگدیک طالبان افغانستان حکومتی نینگ کمیده 600 محبوسی نی آزاد قیلگن.
