جمهورلیک ریاست بیرینچی اورین‌باسری امرالله صالح وزیرمحمداکبرخان مسجدی نینگ امامی دکتر ایاز نیازی هلاک ایتیلگنی گه عکس‌العمل بیلدیریب ایتیشیچه، حادثه عاملی طالبان گروهی دیر.
جمهورلیک ریاست بیرینچی اورین‌باسری فیسبوک رسمی صحیفه‌سیده یازیشیچه «طالبان ایکی جمله یازیش بیلن اوزلرینی جنایت و ترور دن برائت بیره آلمه‌یدی.»
جناب صالح نینگ کوپه‌یتیریشیچه، طالبان گروهی مسجدلرده ماین ییرلشتیریش، پاکستان دن تشقی تحصیل قیلگن دین عالم‌لری نینگ قتل عام قیلیش و قومی، سیاسی و علمی سیمالر اولدیریلیشی نی باشله‌چوسی دیر.
اونگه کوره، طالبان بیلن داعش نینگ آره‌سیده هیچ بیر فرق یوق و بو ایکی گروه تینچ‌اهالی گه قرشی هجوم قیله‌دی.
بیراق طالبان گروهی مذکور حادثه گه قوللری بارلیگی نی رد قیلیب، اونینگ قاره‌لگن. اوشبو گروه سوزلاوچیسی ذبیح‌الله مجاهد، وزیر محمداکبرخان مسجدی گه بمب ییرلشتیریش کیم نتیجه‌ده ایازی نیازی هلاک ایتیلگن، «جنایت» دیر.
دکتر ایاز نیازی (سه‌شنبه کونی 13- جوزا) کیچ قورون وزیرمحمداکبرخان مسجد اطرافیده ییرلشتیریلگن ماین پارتلشی باعث تن جراحتی کوتاریب و کسلخانه‌ده جان بیردی. ایچکی ایشلر وزیرلیگی نینگ ایتیشیچه، مذکور حادثه‌ده 2 کیشی هلاک و باشقه 2 کیشی یره‌لنگن.
