.jpg)
1394- ییل فرخنده ایامی ییتیب کیلمسدن نیچه ساعت آلدین، فرخنده ملکزاده اهالی قولیگه هلاکتگه بیریلدی. ایلکبار تهمت باغلب، عیبگه قارهلب و اخیرده ییگیت قیز جانیگه هجوم قیلینیش حاضرگه قدر یاپیق شکلده قالگن. اما حاضرگه قدر انیق بولگن مسأله، اهالی نینگ توپلم شکلده ایسدن چیقمه یدیگن جنایتگه قول اوریشلری دیر. بو دهشت توغدیرگن حادثه اهالی ذهنیدن چیقمهیدیگن بیر حادثه بولدی، کوپچیلیک ارادهسی و کیلیشماوچیلیگی سبب کورینیشیچه حرمت بیریلهدیگن ییرلردن پایتختده روی بیردی.
آقسقالر، ییگیتلر، بالهلر و عیاللرنینگ کوزلری بو وحشتلی حالنی نظاره قیلردی. فرخنده نینگ اعدام قیلیش اوچون ییغیلگن جمعیت، روی بیرهدیگن حادثه انسان جانیگه ظلم ایمس ایدی، بلکیم خداوندنی گناه قیلگن کیشیدن کیچیریب بولمس اینتقامی دیر. فرخنده نینگ هلاکتگه بیرگنلر، انیق و کورینیب تورگن شاشیلینچ حل یولینی تیزلیکده تاپیش بیلن روپهره بولگن ایدیلر. اوشه ییرده تصمیم آلیش، اولر آلدیندن آلگن تصمیملرینی اوشه ییرده عملگه آشیردیلر. تاش و یاغاچدن آلدین، برچه بولیب تورگن نرسهلر صحنه دهگی انسانلر وجدانیده پیدا بولگن توشینچهلریدن کیلیب چیقردی. هجومچیلر تومار یازووچی قری چال نینگ فرخنده گه قیلگن تهمتی قربانی بولمهدیلر؛ اولر اوزاق – یقیندن اوزلری بیلن بیرلیک بغضینی آلیب کیلردیلر: عدالت آلدیده انسانی وضعیت قرانغوگه قالیشی. عدالت آلدیده انسانیتدن بندهلیک اوچون جامعهده انسانلر حمایتی. اما بیزنینگ جامعه میزده عدالت اوچون انسانیت بیلن حق اورتهسیده باشقه قانونی نرسه نیمه ایدی؟ نیگه ادعا قیله دیلر، وجدان ارزشلرینی بندهلیک دعواسیگه قیدیرهدیلر، اوزی بیر مسجدده اولتیریب قضاوتنی انصاف بیلن واقعه وقتیده قیله آلمهدی؟ فرخنده بیلن اهالی اورته سیدهگی سوءتفاهمنی نیمه نرسهلر تولدیردی؟ اهالی نینگ انسانی قضاوتلردن اوزاق قالیب ستمگرلیکنی پیشه قیشلریگه نیمه نرسهلر سبب بولدی؟ یشاوچیلر آلدیده قیسی ارزشلر و ایشانچلر قوزغهدی تانیچه انسان اورته سیدهگی مصلحت بیلن بولهدیگن گپنی بوندهی خشونت و غوغاگه تبدیل قیلدیلر و بهارنینگ ینگی کییمینی باطل قیلیب خط چیزدیلر؟
.jpg)
کورینیشیچه، یشاوچیلیک آدابیگه ایشانچ بولمهگنلیک و اهالی نینگ قانوندن خبر سیزلیگی فرخنده گه قرشی هجوم ایلتیش اصلی پدیدهسی دیر. بو هجوم یشاوچیلرنینگ کوندهلیک اجتماعی قبول قیلینگن ارزشلری، ایشانچ و آدابلریدن کیلیب چیققن. فرخندهنی اوشه کونگی ایاغ آستی قیلگن توشینچه، فقط اهالی نینگ بیر عیال توغریسیده تفاوت سیزلیگی و افراطی گروه بارلیگی ایمس ایدی؛ فرخنده و اونینگ قاتللری نینگ خدایی حریمدن باشقه هیچ نرسه گه ایشانچ بولمه گنی ایدی.
دین، دولت یا عایله، بو اوچ نرسهدن قیسی بیری قیله آلهدی حریم تمثیلچیسی بولسه؟ بو اوچ نرسهدن قیسی بیری قیله آلهدی بیر جامعهدن حراست قیلسه و چیزیق و چیگره قویسه؟ آیا نوروزنی حرام بیله دیگنلر سنت نامیدن حریملرینی نقض قیلهدیلر، شونقه بیر خلقدن نیمه توقع قیلیب بولهدی؟ آیا اجتماعی عدالتنی قدرت تقسیم قیلیش دیب بیلهدیگن دولتدن انسانی هنجارلرنی مدافعسی دیب بولهمی؟ و اخیرده، قنی اوندهی بیر عایله دین و سیاست ارزشلرینی خوش قرشیلب کیله جکده موجود نظامگه قره گنده پارلاق حیات یرهتیشگه اولگورسه؟
بیزنینگ عزیمتیز شو نهادلرنینگ بیرنقطه سیدن باشلنیشی ممکن، اما بو نهادلردن هیچ بیری عدالت و توشینچهلرنی فکرداشلیک بیلن جامعه اصلاح بولیشی و نسبی سعادت تامان آلیب باریشگه امکانی بولسه.
