جمهورلیک ریاستی نینگ بیرینچی اورین باسری امرالله صالح نینگ ایتیشیچه، طالبان نینگ قولیدن کیلسه بوگون مذاکره قیلیووچی هیات بوتون اعضالرینی اوققه توتیب و یا-ده بیر خودکش هجوم آرقه‌لی نابود قیله‌دی.
جناب صالح، مذاکره قیلیووچی هیات اعضاسی فوزیه کوفی‌گه قرشی اویوشتیریلگن هجوم‌نی قاره‌لب و بو هجوم‌نی طالبان گروهی‌گه نسبت بیرگن.
مذاکره قیلیووچی هیات اعضاسی فوزیه کوفی اوتگن "جمعه" کونی شام چاغیده پروان-کابل قتناو یولی قوراللی بیر هجوم عاقبتیده یره‌لنگن ایدی.
حاضرگه‌قدر هیچ‌بیر گروه مذکور هجوم مسوولیتینی بوینیگه آلمه‌گن.
بوگون "یکشنبه" جمهورلیک ریاستی بیرینچی اورین باسری نینگ فیسبوک صحیفه‌سیده یازیشیچه، افغانسان جماعه‌سی صدا‌سینی جیم و حذب قیلیش اوچون یالغیز طالبان و اولرنینگ هم‌فکرلری سعی و حرکت قیله‌دی.
اونینگ کوپه‌یتیریشیچه: «طالبان گروهی نینگ افغانستان اهالی‌سیگه قرشی دشمن‌لیکلری آشکار. اولرنینگ فکریگه جماعه نینگ ایکی بولیمی بار. طالب و طالب‌دن اطاعت قیلیووچی.»
جمهورلیک ریاستی نینگ بیرینچی اورین باسرینی کوپه‌یتیریشیچه، وسطا قرون فکرلرینی اولرنینگ ذهنی‌ده کم و نابود قیلیش اوچون زمان‌گه نیاز. اونینگ ایتیشیچه « حربی و امنیتی بولیم‌ده شدید تدبیر بیزلرنی تینچلیک‌که یقین‌لشتیره‌دی. طالبان یالغیز نصیحت بیلن تینچلیک‌نی قبول قیلمه‌یدی.»
باشقه تاماندن افغانستان تینچلیک لایحه‌سی بوییچه آمریکا خاص نماینده‌سی اوروش طرف‌لریدن تیزلیک‌که افغانستانلیکلر ارا سوزلشوولرنی باشلش‌لرینی سوره‌گن.
جناب خلیلزاد، مذاکره قیلیووچی هیات اعضاسی فوزیه کوفی گه قرشی اویوشتیریلگن هجوم‌نی قاره‌لب و اوشبو هجوم‌نی «جنایت» عنوان قیلگن.
بوگون "یکشنبه" افغانستان تینچلیک لایحه‌سی بوییچه امریکا خاص نماینده‌سی نینگ توییتر صحیفه‌سیده یازیشیچه، فوزیه کوفی مذاکره قیلیووچی هیات نینگ اونملی اعضالریدن و مملکتده عیال‌لر حقوقی نینگ مدافعه چیسی دیر و اوشبو هجوم‌نی اویوشتیرگن‌لر تینچلیک سوزلشوولرنی آرتده قالدیریش اوچون سعی و حرکت قیلماقده.
