.jpg)
سلام‌وطندارگه صحبت بیرگن فاریاب ولایتی کینگش اعضاسی عبدالاحد ایلبیگ نینگ ایتیشیچه، طالب‌لر حاکم بولگن منطقه‌لریده ایسته‌گن نرسه‌لرینی عملی قیله‌دی. ینگی‌لیک‌ده مذکور گروه فاریاب ولایتی‌نینگ شرین‌تگاب تومنیده بیر قانون چیقاریب قیزلرنینگ اوقیشی و عیاللر تشقریده یوریشی‌نی منع قیلگن.
جناب ایلبیگ نینگ کوپه‌یتیریشیچه، ناتینچلیک‌لر کونساین کوپه‌یگنی و قیشلاقلر کیین مه سقوط قیلیشی باعث، قوراللی طالب‌لر حاکم بولگن منطقه‌لریده ینگی قانونلر چیقارگن.
شونینگدیک، شرین‌تگاب تومنی‌نی سرپرستی سیدشراف‌الدین نینگ ایتیشیچه، قوراللی طالب‌لرنینگ ینگی قانونلری اساسیده، قیز اوقووچی‌لرنینگ عایله‌لری بیلیم یورت‌لرده طالب‌لر تامانیدن وضع ایتیلگن ایری جنسیت قانونی‌نی نظرگه آلمه‌گن صورتده، قیزلرینی تومن گه چقیریب و اویدن چیقیش گه رخصت بیرمه‌سی گه مجبورلنه‌دی.
آتی مستعار اوقووچی قیز مونسه، عایله‌سی طالب‌لر تامانیدن تهدید ایتیلگنی باعث، میمنه شهریده قرینداشلریدن بیری‌نینگ اوییده یشه‌یدی. اونینگ ایتیشیچه، عایله‌سی طالب‌لر تامانیدن تهدید ایتیلگن. مونسه گه کوره، او حاضر جانی‌دن قورقیب شیرین‌تگاب تومنی گه باره آلمه‌یدی.
.jpg)
قیزلرنینگ اوقیشی گه قرشی چیقاریلگن قانون‌نی تصدیق‌لگن شیرین‌تگاب تومنیده طالب‌لرنی مسؤولی حاجی متین بیک نینگ ایتیشیچه، اوتگن جمعه کون طالبان گروهی اوز آره‌لریده اوتکزگن ییغینیده، بو قانونلرنی اوستیگه کیلیشگن‌لر و بوندن سونگ، قیزلر بیلیم یورت‌لرده درس اوقیمه‌یدیلر و شونینگدیک، عیاللر بازارلرده یورمه‌یدیلر.
عیاللرنینگ اجتماعی حضوری گه قرشی یالغیز طالب‌لر قانون چیقارمه‌گن، بلکیم نیچه وقت آلدین، فاریاب ولایتی‌نینگ دین عالم‌لری بیر قانون چیقاریب دولتی و غیردولتی ییغین‌لرده قیزلر ترانه اوقیمه‌سی و شونینگدیک، بیلیم یورت‌لرده قیزلرنینگ صنف‌لری اجره‌تیلیشی اوستیگه تأکید قیلگن ایدیلر.
