خصوصی قوریلیش شرکت‌لر تامانیدن قوریلگن بنالرنی اوتگن کون یوز بیرگن ییر قیمیرلش‌ده زیان کورگنی‌دن کیین مملکت شهر قوریش ایشلری بوییچه وزیرلیک مذکور بنالرنی زیان کوریشی نینگ بیرینچی دلیلی شهرچه‌لر قوریلیش جریانی‌ده دولت اداره‌لری تامانیدن نظارت ایتیلمس‌لیگی باعث بوله‌دی دیگن.
7.7 درجه ریشتر کوچی بولگن مذکور ییر قیمیریش اوتگن کون توش‌دن سونگ ساعت 1:30 ده افغانستان بعضی ولایت‌لری شامل منطقه دولت‌لرینی تیتره‌تدی. اوشبو ییر قیمیرلش‌نی اصلی مرکزی بدخشان ولایتی فیض آباد شهری جنوب شرقی‌نینگ 70 کیلو مترلیگی‌ده واقع بولگن. ایتیلیشیچه، حادثه 200 متر ییر چقورلیگی‌ده روی بیرگن.
شهر قوریش وزیرلیگی‌نینگ اورین باسری امرالدین سالک سلام‌وطندار بیلن قیلگن صحبت‌ده قطار شهرچه‌لرنینگ زمانوی شکل‌ده قوریلمه‌گن‌لیگینی تصدیق‌لب، اونینگ ییریک سببی شهرچه‌لر دولت اداره‌لر تامانیدن نظارت ایتیلمس‌لیگی دیگن.
جناب سالک نینگ ایتیشیچه، قوریلیش ایشلرنی نظارت قیلیش شهر قوریش ایشلری بوییچه وزیرلیک وظیفه‌سی‌می یا – ده شهردارلیک هنوز معلوم ایمس. او، حاضر قوریله دیگن بنالر اوشبو اداره‌لر تامانیدن ایری – ایری نظارت ایتیلیشی‌نی بیلدیرگن.
سالک، قوریله‌جک بنالر نظارت ایتیلیشی اوچون معین نظارتچی‌لر تعین ایتلیشی باره‌سیده تاکیدله‌گن.
بنالرنی قوریش بولیمی‌نینگ مهندسی جناب امرالله ابراهیم‌خیل، اوشبو بنالر آسیب کوریشی‌نینگ ییریک عاملی ییش شهرچه‌لر زمانوی معیارلرده قوریلمه‌گنی دیب تیل‌گه آلگن. اونگه کوره، بنالرگه ایشله تیله دیگن کوپینچه موادلر هم صفت سیز دیر. شونینگ‌دیک جناب ابراهیمی، قوریله‌جک شهرچه‌لر هیچ قنده‌ی طبیعی حادثه مقابلی‌ده مقاومتی یوق دیگن.
عین حالده، جناب ابراهیمی یشش شهرچه‌لر کمیده 8 درجه ریشتر ییر قیمیرلش‌نینگ برابریده مقاومتی بولیشی ضرور لیگینی ایتگن. اما، حاضرگی بنالر 8 درجه ریشتردن جوده کم دیر.
پل‌تخنیک بیلیم یورتی استادی مظهر کاویانی‌نینگ سلام وطندارگه ایتیشیچه، افغانستانده‌گی کوپینچه بنالر خلق ارا معیارلر اساسی‌ده قوریلمیدی و طبیعی واقعه یوز بیرگن حالده ییریک فاجعه روی بیریشی‌گه باعث بوله‌دی.
جناب کاویانی‌نینگ آگاهلنتیریشیچه، شهرچه‌لر قوریلیشی اوچون افغانستنان شهر قوریش ایشلری بوییچه وزیرلیک نظارت ایتمه‌گن حالده، کیله‌جک‌لرده ییریک انسانی فاجعه روی بیریشی ممکن.
طبیعی حادثه‌لرگه قرشی کوره‌ش اداره‌سی مسووللری حساباتی‌ده قید ایتیلیشیچه، اوتگن کون یوز بیرگن ییر قیمیرلش‌ده 80 کیشی حیات‌دن کوز یومگن و 300 انسان ایسه تن جراحتی آلگن و مملکت‌نینگ 14 ولایتی‌نینگ 115 ولسوالیگی‌ده 4400 یشش اوی زیان کورگن.
