.png)
بغلان ولایتی نینگ مرکزی پلخمری شهریده شمال تاش کومیر تصدی مأمورلری و ایشلاوچی‌لریدن اونلرچه‌سی نینگ ایتیشیچه، آلتی آیدن بویان معاش آلیشمه‌گن.
بوگون «دوشنبه، 30- سرطان» اولر پلخمری شهریده مذکور تصدی بناسی برابریده توپله‌نیب اعتراض بیلدیریشگن.
شمال تاش کومیر تصدی ریاستی کمیده آلتی آی آلدین جمهورلیک ریاستی نینگ ملی رواجلنتیریش اداره‌سی گه قوشیلگن.
اوشبو تصدی مأمورلری و ایشلاوچی‌لری نینگ ایتیشیچه، او زماندن بویان کوپلب اقتصادی قیین‌چیلیک‌لرگه روپه‌ره بولیشگن.
اولرنینگ ایتیشیچه، حال بوکه تصدی و بغلان ولایتی نینگ غوری سمنت ایشخانه‌سیده ایش جریانی عادی شکلده دوام ایتماقده و کونده‌لیک دولت خزانه‌سیگه کوپلب پول کیره‌دی، بیراق آلتی آیدن بویان اولرنینگ معاشلری توللنمه‌گن.
شمال تاش کومیر تصدی نینگ جندر بولیمی باشلیغی نورجان و اوشبو ریاست داکتری علی بیک نینگ سلام‌وطندارگه ایتیشیچه، معاشلری وقتی بیلن توللنمه‌گنی اولرنینگ کوپینچه قیین‌چیلیک‌که روپه‌ره قیلگن.
.png)
مذکور تصدی ایشلاوچی‌لریدن باشقه بیرقطاری آگاه‌لنتیریب ایتیشیچه، معاشلری توللنمه‌گن صورتده، عایله‌لری نینگ نیازلرینی تأمین‌لش اوچون پلخمری شهریده جرم و جنایت گه قول اوریش گه مجبور بولیشه‌دی.
شمال تاش کومیر تصدی ایشلاوچی‌لریدن بیری محمدعثمان نینگ ایتیشیچه، معاشی توللنمه‌گنی باعث، 10 کیشی‌لیک عایله‌سی گه نان تاپیش اوچون اویی نینگ لوازملرینی ساتگن.
اوشبو مأمورلر و ایشلاوچی‌لر دولت دن تیزلیک‌که معاشلرینی توللشینی سوره‌یدیلر.
بو توغریده شمال تاش کومیر تصدی ریاستی مسؤوللری نینگ فکرلرینی اورگنیش اوچون علاقه قوردیک، بیراق تکراری سعی و حرکت نتیجه‌سیده مؤفق بولمه‌دیک.
اعتراضچی مأمورلر و ایشلاوچی‌لرنینگ ایتیشیچه، معاشلری توللنمه‌گن صورتده، کینگ شکلده ناراضیلیک نمایش یولگه قوییب کابل-شمال قتناو یولینی ترافیک یوزی گه باغله‌یدیلر.
