افغانستان ملی اسلامی جنبش حزبی‌نینگ طرفدارلرینی 16- کونلیک ناراضیلیک نمایشی‌ده بلخ ولایتی‌نینگ اعتراضچی‌لری، نیچه ساعت‌لیک ناراضیلیک‌دن سونگ، حیرتان بندری‌نینگ ترانزیتی قتناو یولی‌نی سوداگرلیک توارلر یوزیگه یاپگن.
اعتراضچی‌لرنینگ باشلیغ‌لریدن سیدشمس‌الدین سادات نینگ ایتیشیچه، اولرنینگ ایستک‌لریگه باشقه نیچه کونگچه ایجابی جواب بیریلمه‌گن صورتده، کابل برقی‌نی کیسه‌دی.
شونینگدیک، سمنگان اعتراضچی‌لری ولایت حاکمی‌نینگ دفتری و نیچه دولتی اداره‌نی باغلب ایتیشیچه، باشقه ایکی کونگچه ایرکک و عیال کابل تامان ناراضیلیک نمایش یولگه قویه‌دی.
بیراق، جوزجان اعتراضچی‌لری بوندن کوره جدیراق هشدار بیره‌دی. اولرنینگ ایتیشیچه، کیله‌جک اوچ کون گچه جنرال دوستم مملکت گه قیتمه‌ی و نظام‌الدین قیصاری قماقدن قوییب یوباریلمه‌گن صورتده، تیزیم گه قرشی قیام گه قول اوره‌دیلر.
شونینگدیک، فاریاب اعتراضچی‌لری‌نینگ آگاه‌لنتیریشیچه، حکومت قانون اساسیده، اولرنینگ حقی‌نی بیرمه‌گن صورتده، اولر زوردن آله‌دیلر.
شمال و شرق ولایت‌لریده حکومت گه قرشی ناراضیلیک نمایش‌لر، فاریاب ولایتی‌نینگ قیصار تومنی خوفسیزلیک قومندانی و جمهور رئیس بیرینچی اورین باسری جنرال عبدالرشید دوستم‌نینگ خاص نماینده‌سی نظام‌الدین قیصاری توتقونگه آلینگنیدن سونگ، باشلندی و بو واقعه‌دن 16 کون اوتماقده و حاضرگچه دوام ایته‌دی.
