.jpg)
بوگون کابل‌ده خبری بیر ییغین اوتکزگن افغانستانلیک سینماچیلر، مملکتده سینمانینگ وضعیتی مناسب ایمس‌لیگیدن نالیگنلر.
افغان فیلم سابق باشلیغی همده فیلمچی انجینر لطف احمدی، سینما وضعیتی یخشی له‌نیشی اوچون دولت هیچ اعتبار بیرمیدی دیگن. بو مساله ایسه مملکتده فیلم ایشلب چیقاریشنی صفرگه توشیرگن دیدی. جناب احمدی، حکومت صنعت و مدنیتگه بی مهرلیک بیلن باقیشینی تیلگه آلگن. شونینگدیک هنوزگچه بو توغریده بولگن ایستکلریگه حکومت جواب بیرمه‌گن لیگنی تیلگه آلگن جناب احمدی.
عین حالده جناب احمدی، فیلم ایشلب چیقاریش اوچون ییترلی درجه‌ده بودجه بولمه‌گنلیگی باشقه بیر تاماندن فیلم ایشلب چیقیش‌ده حکومت نینگ رغبتی یوقلیگی افغانستانلیک سینماچیلرنینگ قریشیسی‌ده تورگن اولکن معما حسابلنه‌دی دیگن.
.jpg)
افغانستان‌گه پروچکتور آلیب کیلینگندن بیری سینما ساحه‌سیده فرقلی اوزگریشلر کیلگن لیگی تیلگه آلینه‌دی. افغانستان سینماسی وهنری مدنی بیر فرهنگ صفتیده (میلادی 60 و 70) خوش قرشیلندی. لیکن (میلادی 90) ییللرده تکفیر و تحریم لردن آمان قالمه‌گن لیگی ایتیله‌دی.اما، سینما اوچون حاضر وضعیت تجلیل و تکفیر اورته‌سیده دیدی ساحه نینگ متخصصلری.
سونگی اون بیش ییل آقیمیده افغانستان حکومتی اینیقسه مملکت اخبارات و مدنیت وزیرلیگی تامانیدن هیچ قنده‌ی بیر سینمایی فیلم توزه تیلمه‌گن، عکس حالده کوپینچه سینمالر دولت و خصوصی بولیملر اره‌له‌شیشی عاقبتیده تجاری مرکزلرگه ایلنگن لیگی ایتیله‌دی.
