بوگون «یکشنبه» سیلاو ایرکین کمیسیونی، سیلاو شریک‌لری بیلن معلوماتی بیر ییغین یولگه قوییب اولرنینگ اوچ خواطری و سوراقلری توغریسیده معلومات بیردی.
اوشبو ییغینده آواز بیریش زمانیدن تشقری بیریلگن یوز مینگ آواز و 137 مینگ جنجل‌لی آواز بیلن سیلاو کمیسیونی نینگ یانده‌شی، جمهورلیک ریاست سیلاوی نینگ دستلبکی نتیجه‌سینی تقدیری نامعلوملیگی و بایومتریک اسکونه‌لریدن بیرقطاری یوقالگنی سیلاو شریک‌لری تامانیدن بیان ایتیلگن اونملی خواطرلردن ایدی.
سیلاو ایرکین کمیسیونی اعضاسی حنیف دانشیارنینگ ایتیشیچه، آواز بیریش زمانیدن تشقری بایومتریک اساسیده رویخط‌گه آلینگن آوازلر سافت ویر قوریلمه‌گنی باعث، قیین‌چیلیک‌که دوچ کیلگن.
جناب دانشیارگه کوره، بو توغریده درمالوگ شرکتی یا-ده باشقه کیم‌سه بی‌فرق یانده‌شگن صورتده، قانون اساسیده تیرگاوگه آلینه‌دی.
برقرارلیک و یقینلیک سیلاو تیمی نینگ ایکینچی اورین باسری اسدالله سعادتی، سیلاو کمیسیونی نینگ آوازلرنی سنه‌ش جریانیده قانون و طرزالعمل‌لرنی نقض قیلیش گه عیب‌لب ایتیشیچه، بیر آواز سیلاو تقدیرینی تعیین قیله‌دی و سیلاو نتیجه‌سینی اوزگرتیریش قانون اساسیده، جنایت سنله‌دی.
برقرارلیک و یقینلیک سیلاو تیمی‌نینگ نماینده‌لری، ییغین چارچوبه‌سینی نابرابرلیک دیب و اعتراضی شکلده، ییغین‌نی ترک قیلیشگن.
دولت قورووچی سیلاو تیمی‌نینگ اعضاسی داوود سلطان‌زوی، برقرارلیک و یقینلیک سیلاو تیمی‌نینگ زوروانلیک‌که عیب‌لب و سیلاو ایرکین کمیسیونی و حکومت‌دن مملکت نینگ 7 ولایتیده سیلاو ایرکین کمیسیونی‌نینگ دفترلری باغلنگنی خصوصیده معلومات بیریشینی طلب قیلگن.
افغانستان بوییچه ایرکین و عدالت‌لی سیلاو بنیادی یا-ده فیفا باشلیغی یوسف رشید نینگ ایتیشیچه، سیلاو ییغینی توغری شکلده مدیریت و سازمان بیریلمه‌گن ایدی و اعتراضچی‌لرگه اعتراض قیلیش‌لری اوچون ییترلیچه فرصت بیریلمه‌گن.
جناب رشید نینگ کوپه‌یتیریشیچه، سیلاو قیین‌چیلیک‌لرینی حل قیلیش اوچون 3- گزینه‌نی قولگه آلیش کیره‌ک.
سیلاو ایرکین کمیسیونی‌نینگ ییغینی نتیجه‌سیز یکونلندی، بیراق اوشبو کمیسیون باشلیغی حوا علم نورستانی نینگ ایتیشیچه، جمهورلیک ریاستی سیلاوی‌نینگ دستلبکی نتیجه‌سینی تقدیری تیزلیک‌که بیللی ایتیله‌دی.
