جمهورلیک ریاست نامزدلری نینگ سیلاو کمپاینلری باشلنگنیدن 22 کون اوتماقده. شونچه مدتده ولایتلرده برچه دن آرتیق محمداشرف غنی رهبرلیگی ده بولگن دولت قورووچی سیلاو تیمی نینگ صورتلری کوزگه کورینهدی.
هرات، قندهار، بغلان، فاریاب، تخار، بدخشان، ننگرهار، لوگر، غزنی، فراه و بادغیس ولایتلری نینگ یشاوچیلری گه کوره، بو ولایتلرده باشقه نامزدلرگه نسبتن جمهور رئیس غنی نینگ رهبرلیگی ده بولگن دولت قورووچی سیلاو تیمی نینگ صورتلری کوپ کورینهدی.
افغانستان آوازی نینگ بانکی سنلهدیگن هرات ولایتیده، 18 نامزد آرهسیدن حاضر 4 تیم جملهدن جمهور رئیس غنی نینگ تیمی، عبدالله عبدالله نینگ تیمی، فرامرز تمنانینگ تیمی و رحمت الله نبیل نینگ تیمی فعال دیر.
هرات مدنی فعاللری و یشاوچیلرنینگ ایشانچی گه کوره، دولت قورووچی تیمی دولتی امکانیتلردن فایدهلنیب باشقه تیملرگه نسبتن کینگ شکلده کمپاینلرینی آلغه آلیب بارماقده.
اولرگه کوره، هرات شهری نینگ هر بیر چیکهسیده باشقه نامزدلرگه نسبتن دولت قورووچی تیمی نینگ سیلاو کمپاینلری دفترلری کوپ کورینهدی.
شونینگدیک، قندهار ولایتیده هم اشرف غنی نینگ رهبرلیگی ده بولگن دولت قورووچی سیلاو تیمی نینگ صورتلریدن باشقه نامزدلرنینگ صورتلری کورینمهیدی.
قندهار یشاوچیلریدن بیرقطاری بو جریاندن تنقید قیلیب ایتیشیچه، اهالی باشقه نامزدلرنی هیچ تانیمهیدیلر و بو ولایتده بوتون نامزدلر صورتلرینی قیستیریشلری کیرهک.
شونینگدیک، بغلان، فاریاب، تخار، بدخشان، ننگرهار، لوگر، فراه و بادغیس ولایتلری هم هرات و قندهار ولایتلریگه اوخشهیدی.
مذکور ولایتلرنی یشاوچیلری نینگ ایتیشیچه، بو دور سیلاو کمپاینلری اوتگن دور جمهورلیک ریاست سیلاو کمپاینلری گه نسبتن کمرنگ دیر و اشرف غنی بیلن عبدالله عبدالله نینگ صورتلری باشقه نامزدلردن کوره کوپ کورینهدی. اولر دولت قورووچی تیمی نینگ کینگ شکلده کمپاینلری دوام ایتیشی نی دولتی امکانیتلردن فایدهلنیش گه دییدی.
غزنی ولایتیده هم یالغیز غنی نینگ صورتلری کورینهدی. بیراق، غزنی مدنی فعاللری و یشاوچیلری نینگ ایشانچی گه کوره، باشقه نامزدلرنینگ سیلاو کمپاینلری باشلنمهگن سببی امنیتی تهدیدلر و سیلاوگه نسبتن اهالی نینگ ایشانچ سیزلیگی دییلهدی.
سیلاو کمپاینلریده دولتی امکانیتلردن فایدهلنیش عیبلاوی توغریسیده دولت قورووچی تیمی نینگ فکرینی اورگهنیش اوچون علاقه قوردیک؛ بیراق کیین مه کیین قونغیراقلر نتیجهسیده مؤفق بولمهدیک.
سیلاو کمپاینلری کمرنگ دییلگن بیرچاغده، جمهورلیک ریاست سیلاوی یولگه قوییلیش زمانی گه 40 کوندن آز قالگن.
