کابل‌ده اوتکزیلگن نماینده‌لر کینگشی سیلاوی‌نینگ دستلبکی نتیجه‌لری اعلان ایتیلگنیدن نیچه ساعت اوتگنیدن سونگ، کابل حوزه‌سی‌نینگ سیلاو نامزدلریدن بیرقطاری، اعلان ایتیلگن نتیجه‌لرنی شفاف بیلمه‌ی و کابل حوزه‌سی‌نینگ آوازلری بوتونله‌ی بیکار قیلینیشی‌نی طلب قیلگن‌لر.
سلام‌وطندارگه صحبت بیرگن کابل اعتراضچی نامزدلریدن بیری هارون معترف نینگ ایتیشیچه، کابل‌ده حوزه‌سی‌نینگ آوازلری پول معامله‌لری نتیجه‌سیده اعلان ایتیلگن.
اونگه کوره، نامزدلردن کوپینچه‌سی کابل آوازلری بوتونله‌ی بیکار قیلینیشی‌نی ایسته‌یدیلر.
شونینگدیک، کابل حوزه‌سی‌نی اعتراضچی نامزدلریدن باشقه بیری دین‌محمد درویشی، کابل آوازلری بوتونله‌ی بیکار قیلینیشی‌نی سوره‌گن.
اونینگ ایتیشیچه، سیلاولرده کوپلب ساخته‌کار بولگن و ساخته‌کارلر عدلی و قضایی اداره‌لریگه تانیشتیریلیشی کیره‌ک.
عین حالده، سیلاودن نظارت قیلووچی اداره‌لر، کابل حوزه‌سیده اوتکزیلگن نماینده‌لر کینگشی سیلاوی‌نینگ دستلبکی نتیجه‌لری توغریسیده فرقلی فکر بیلدیره‌دیلر.
افغانستان بوییچه عدالت‌لی و ایرکین سیلاولر اداره‌سی یا-ده (فیفا) اجراییه باشلیغی یوسف رشیدنینگ ایتیشیچه، دستلبکی نتیجه‌لر سونگی نتیجه ایمس دیر و هر قنده‌ی اوزگریش وجودگه کیلیشی ممکن.
عین حالده، افغانستان بوییچه شفاف سیلاو اداره‌سی یا-ده (تیفا) باشلیغی نعیم ایوب‌زاده، کابل حوزه‌سیده اوتکزیلگن نماینده‌لر کینگشی سیلاوی‌نینگ دستلبکی نتیجه‌سیده آزمه-کوپ اوچ آیدن سونگ اعلان ایتیلگنینی بیر یوتوق دیب بیله‌دی؛ بیراق ایتیشیچه، مذکور اداره‌نینگ قولگه کیریتگن معلوماتی اساسیده، بو جریانده حاضرگه‌قدر قیین‌چیلیک‌لر موجود.
اونینگ کوپه‌یتیریشیچه، تیفا اوز گزارشلرینی سیلاولر شکایت‌لرینی تینگلش کمیسیونی گه تاپشیره‌دی و بو گزارشلر تیکشیریلگنیدن سونگ، سیلاولر شکایت‌لرینی تینگلش کمیسیونی مملکت‌نینگ 33 ولایتیده شفافیت و عدالت‌نی تأمین قیلیشی کیره‌ک.
شونده‌ی بیرحالده، سیلاولر ایرکین کمیسیونی اعتراضچی نامزدلردن شکایت‌لری تیکشیریلیشی اوچون 48 ساعت گچه شکایت‌لرینی سیلاولر شکایت‌لرینی تینگلش کمیسیونی‌ده رویخط‌گه بیریش‌لرینی سوره‌گن.
سیلاولر ایرکین کمیسیونی، کمیده اوچ آیدن سونگ، اوتگن کون کیچ قورون کابل حوزه‌سیده اوتکزیلگن نماینده‌لر کینگشی سیلاوی‌نینگ دستلبکی نتیجه‌لرینی اعلان قیلدی و اعلان ایتیلگن نتیجه اساسیده، کابل ولایتیدن 33 نامزد یوقاری آوازلرنی قولگه کیریتگن‌لر و بو جمله‌دن 24 ته‌سی ایرکک و 9 ته‌سی عیال دیر.
