سیاسی حزب‌لر و مدنی جماعه‌چیلیک اعضالریدن بیرقطاری، سیلاولر ایرکین کمیسیونی‌نینگ اوتمیش‌ده‌گی فعالیت‌لریدن تنقید قیلیب ایتیشیچه، اوشبو کمیسیون تامانیدن شفاف شکلده سیلاولر یولگه قوییلیشی‌گه ایشانمه‌یدیلر.
بیراق، سیاسی حزب‌لر و مدنی جماعه‌چیلیک اعضالری بیلن ییغین اوتکزگن سیلاولر ایرکین کمیسیونی مسؤوللری‌نینگ ایتیشیچه، نماینده‌لر کینگشی و تومن‌لر کینگشی سیلاولری شفاف شکلده یولگه قوییلیشی اوچون بوتونله‌ی تیارگرلیک آلگن‌لر.
بیراق، سیاسی حزب‌لر و مدنی جماعه‌چیلیک مسؤوللری، سیلاولر ایرکین کمیسیونی‌نینگ اوتمیش‌ده‌گی فعالیت‌لریدن تنقید قیلیب ایتیشیچه، سیلاولر ایرکین کمیسیونی استراتیژی، حقوقی و فنی ایشلریگه اوزگریش کیریتیشی لازم و بو ایش بولگن صورتده، شفاف سیلاو یولگه قوییلیشی‌گه زمینه یره‌تیله‌دی.
سیاسی حزب‌لر و مدنی جماعه‌چیلیک مسؤوللری، سیلاولر تعیین ایتیلگن زمانیده یولگه قوییلیشی و بوتون اهالی آواز بیریش صندوقی‌گه قول تاپیشی توغریسیده تأکید قیلگن‌لر.
عین حالده، سیلاولر ایرکین کمیسیونی‌نینگ کمیشنری رفیع‌الله بیدارنینگ ایتیشیچه، حاضرگچه ایکی حزب و نیچه مدنی جماعه‌چیلیک اداره‌سی تامانیدن حقوقی و قانونی موضوعلر توغریسیده 60 ریجه اوشبو کمیسیون‌گه ییتیشگن. اونگه کوره، اوشبو کمیسیون سیاسی حزب‌لر و مدنی جماعه‌چیلیک ریجه‌لریگه جواب بیره‌دی. اونینگ کوپه‌یتیریشیچه، حزب‌لر آره‌سیده اویغونلیک ایجاد بولیب و بیر بیللی استراتیژیگه قانیقیش‌لری کیره‌ک.
شونینگ‌دیک، بوندن آلدین سیاسی حزب‌لر، مدنی جماعه‌چیلیک و سیلاولر ایرکین کمیسیونی آره‌سیده ییغین‌لر یولگه قوییلگن؛ بیراق یشاوچیلر حاضرگچه سیلاولر ایرکین کیمسیونی‌گه ایشانمه‌یدیلر.
