افغانستانده سیلاولر ایشلری بیلن مشغول «تیفا» مسووللری، سیلاولر کمیسیونلری‌نینگ اعضالری اوزگرتیریلگندن سونگ اوشبو کمیسیون نینگ بوتونلی لوازملری جمله‌دن مُبل فرنچیر، کمپیوتر و حقوقی حجتلر اوغیرله‌نیب کیتیلگنینی بیلدیرگنلر.
مسووللر، سیلاولر مستقل کمیسیونی نینگ سابق اعضالری مذکور لوازملر همده حقوقی حجتلرنی کمیسیون نینگ ینگی اعضالریگه تاپشیریشی کوتیلردی، لیکن بو ایشنی قیلمه‌گنلر دیگنلر.
افغانستان شفاف سیلاولر بنیادی «تیفا» اداره‌سی نینگ باشلیغی محمدنعیم ایوب‌زاده بوگون چهارشنبه کابل‌ده اوتکزیلگن خبری بیر انجمنده گپیریب، مساله کمیسیون نینگ ینگی اعضالری تامانیدن جدی شکلده تیکشیریلیشی کیره‌ک دیگن.
اونینگ سوزلریگه قره‌گنده هنوز هم تومنلر همده پارلمانی سیلاولرنی اوتکزیش قرشیسیده ییریک قیین چیلیکلر موجود. او ملی بیرلیک حکومتی و دنیا همجمعیت دولتریدن شفتاف، عدالتی و هر قنده‌ی ساخته لشتیریشدن ییراق سیلاولر تکزیلیشی اوچون سعی حرکت قیلیشلرینی سوره‌گن.
اوشبو اداره‌نینگ اعضالر سیلاولر مستقل کمیسیونی نینگ بیرقنچه اعضالر سیلاولر فنی مساله‌لریگه هنوز هم سیاسی یانده‌شه دیلر دیگن. کمیسیون نینگ ینگی اعضالری سیلاولر تیزیمیگه اصلاحات کیریتیش اوچون عملده چاره تدبیر کوریشی تاکیدلنه‌دی.
بو توغریده سیلاولر مستقل کمسیونی نینگ سابق اعضالری فکرینی اورگه‌نیش اوچون آلیب بارگن سعی وحرکتیمیز نتیجه بیرمه‌دی.
افغانشتان شفاف سیلاولر بنیادی سیلاولر مستقل کمیسیونی‌دن تیز آره ده پارلمانی و تومنلر سیلاولری همده سیلاوچیلر رویخطینی معلوم قیلیب اعلان قیلیشنی سوره‌گن.
