نماینده‌لر کینگشی بوگونکی عمومی ییغینده، کیم‌لیک‌لر ترقهتیلیشی، کیم‌لیک آلیش اوچون عیاللر اشتراکی قنده‌یلیگی و کیم‌لیک‌لرده مشخص استیکرلر اوریلیشی اوچون معلومات بیریش توغریسیده جمعیت‌نی رویخط‌گه آلیش اداره باشلیغی و سیلاولر ایرکین کمیسیونی‌نینگ دبیرخانه باشلیغی‌نی چقیرگن.
اوشبو ییغینده، نماینده‌لردن بیرقطاری، سیلاولر خوفسیزلیگی تأمین‌لنیشی‌ده حاضرگی حکومت‌نی ناکام دیب ایتیشیچه، کیم‌لیک ترقه‌تیش مرکزلر اوزاقلیگی، قوراللی طالب‌لرنینگ تهدیدی کینگه‌یگنی و حکومت‌نینگ تینچ‌لیگی، سیلاولر یولگه قوییلیشی توغریسیده حکومت‌نینگ اراده‌سیزلیگی‌نی کورسته‌دی.
نماینده‌لر کینگشی اعضالریدن بیری محمدسرور عثمان فراهی‌نینگ ایتیشیچه، تومنلردن کوپینچه‌سی قوراللی طالب‌لرنینگ نظارتی‌ده دیر و آواز بیرووچیلرنی رویخط‌گه آلیش مرکزلر تومن‌لرنینگ مرکزلرینی 5 کیلومترلیگی‌ده بولگنی باعث، اهالی مرکزلرگه باره آلمه‌یدیلر.
بیراق، سیلاولر ایرکین کمیسیونی دبیرخانه سرپرستی شهلا حق‌نینگ ایتیشیچه، اولرنینگ فعال قیلیش برنامه‌لریگه شامل بولگن 1419 مرکزدن یالغیز 44 مرکز جدی امنیتی تهدیدلر باعث، یاپیق قالگن.
خانم حق‌نینگ اورغولشیچه، آواز بیرووچیلرنی رویخط‌گه آلیش مرکزلردن 60% مسجدلر و مکتب‌لر تشکیل بیره‌دی و اولرنینگ امنیتی بوتونله‌ی تأمین دیر.
