قطرده طالبان گروهی نینگ سیاسی دفتری سوزلاوچیسی سهیل شاهین نینگ ایتیشیچه، افغانستانلیکلر ارا سوزلشوو آمریکا کوچلری بوتونلهی افغانستاندن چیقیشی خصوصیده، شرطنامه امضاءلنگنیدن سونگ، باشلنهدی.
اونگه کوره، اوشبو موضوع توغریسیده کیلیشیلگنیدن سونگ، افغانستانلیکلر ارا سوزلشووده بوتون افغانستانلیک تامانلر شامل بولهدی.
آمریکا قوشمه ایالتلری نینگ مدافعه وزیری مارک اسپر، آمریکا حربی کوچلری نینگ باش قومندانلیگینی قوشمه کمیتهسینی باشلیغی مارک میلی بیلن اوتکزگن قوشمه خبری ییغینیده ایتیشیچه، افغانستان ینه-ده تروریستلر اوچون تینچ باشپناه گه اوزگرمهسی توغریسیده بوتونلهی ایشانچ قولگه کیریتیلگونگهقدر، آمریکا کوچلری بوتونلهی افغانستاندن چیقمهیدی.
بیراق، افغانستانده طالبان گروهی گه یقین سیمالردن بیرقطاری نینگ سلاموطندارگه ایتیشیچه، طالبان گروهی سوزلشوولر یکونلنیشی و آمریکاییلیکلر بیلن شرطنامه امضاءلشنی ایستهیدی و اوندن کیین افغانستان حکومتی و افغانستانلیکلر ارا سوزلشوو باشلهیدی.
طالبان گه یقین سیمالردن بیری سیداکبر آغانینگ ایتیشیچه، افغانستاندن چیتایللیک کوچلر بوتونلهی چیقیشی خصوصیده، کیلیشیش یا-ده کیلیشمسلیک سوزلشوولر نتیجهسی اوستیگه تأثیر قیلمهیدی.
اونگه کوره، چیتایللیک کوچلر بوتونلهی چیقیشی خصوصیده، شرطنامه امضاءلش چیتایللیک کوچلر تیزلیککه افغانستاندن چیقیش معناسیده ایمس دیر.
بوندن آلدین، افغانستان تینچلیک لایحهسی بوییچه آمریکا تشقی ایشلر وزیرلیگینی خاص نمایندهسی زلمی خلیلزاد تامانیدن بولینگن توییتده ایتیلیشیچه، افغانستان توغریسیده بولگن تینچلیک سوزلشوولری اساسی باسقیچ گه ییتیشگن. بیراق حاضرگهقدر آمریکا و طالبان گروهی آرهسیده ینگی دور سوزلشوولر قچان باشلهنیشی توغریسیده هیچ نرسه دییلمهگن.
شو توغریده…
آمریکا و طالبان آرهسیدهگی تینچلیک سوزلشوولری تیزلیککه باشلنهدی
