سیلاولرتیزیمی‌گه اصلاحات کیرتیش کمیسیونی‌نینگ ایکّی اعضاسی مذکور کمیسیون ییغین‌لرینی تحریم قیلدی.
اوشبو کمیسیون‌نینگ ایکّی اعضاسی شاه‌محمد میاخیل و کاوون کاکر بوگون (شنبه) بیر خبری ییغین اوتکزیب، کمیسیون ییغین‌لرینی تحریم قیلیش‌نینگ اساسی سببی اوشبو کمیسیون حزب‌لرگه حدن آرتیق امتیاز بیرگن‌لیگینی دلیل قیلگن‌لر.
سیلاولرگه اصلاحات کیرتیش کمیسیون‌نینگ مذکور ایکّی اعضاسی اوتگن کون هم سلام‌وطندار بیلن سوزله‌شیب، بو کمیسیون اعضالری اورته‌سیده سیلاولرگه قنده‌ی اصلاحات کیرتیش مساله‌سی اوستیده قرمه قرشی‌لیک‌لر تاپیلگن لیگینی ایتگن ایدی. کاوون کاکرگه کوره، سیلاولرگه اصلاحات کیریش کمیسیونی‌نینگ بیرینچی طرحی‌ده فقط 100 لوازم حزب‌لر اوچون نظرده توتیلگن و اوشبو طرح نیچه حزب تامانیدن یازیلگن پیش نویس اساسی‌ده اوزگرتیریلگن.
جناب کاکرنینگ تاکیدله‌شیچه، حزب‌لر آلدین‌دن تعین ایتیلگن برنامه‌لرینی تحمیل قیله‌دیلر. شونینگ‌دیک کاکر کمیسیون اوزباشیمچه شکل‌ده حزب‌لرگه امتیاز بیره‌دی دیگن.
کمیسیون‌نینگ باشقه بیر اعضاسی شاه‌محمد میاخیل حزب‌لر قانونی قیته تیکشیریلیشی‌نی سوره‌گن. اونگه کوره، ایریم لوازملر بیریلیشی نظرده توتیلگن کوپچیلیک حزب‌لرنینگ حربی شبکه‌لری بار.
سیلاولر تیزیمی‌گه اصلاحات کیرتیش کمیسیون‌نینگ اوشبو ایکّی اعضاسی، سیلاولر تیزیمی‌گه شاشیلینچ حالت‌ده اصلاحات کیلتیریش ممکن ایمس و انه شو دلیل پارلمانی سیلاولر اوچون ایشلب چیقاریلگن بیرینچی طرح قبول قیلینمیدی دیگن‌لر.
اوتگن کون سلام وطندار بیلن سوزلشگن جناب میاخیل، سیلاولر تیزیمی‌گه اصلاحات کیریتیش کمیسیونی‌نینگ برنامه‌لری اصلاحات کیلتیریش اوچون قانیقرلی ایمس دیگن. اونگه کوره، بو توغریده اوزی ایشلب چیققن برنامه‌نی تیزلیک‌ده سیلاولر کمیسیونی‌گه تکلیف ایته‌دی.
عین حالده، سیلاولر تیزیمی‌گه اصلاحات کیرتیش کمیسیون‌نینگ باشلیغی شاه‌سلطان عاکفی، بو لایحه‌لر دستلبیکی دیر و بولر هر تامانلمه طرح گه قول تاپیش اوچون بو قبل لایحه‌لرنی تیکشیریب چیقه‌دیلر.
شونینگ‌دیک اوتگن کون سلام وطندارگه ایتگن عاکفی، سیلاولر کمیسیونی‌گه اصلاحات کیلتیریش اوچون بحث‌لرنی هنوز هم جریانی بار و بو کمیسیون‌نینگ برچه اعضالری سیلاولر کمیسیون‌لریگه اصلاحات کیریتیلیشی اوچون اوز فکر و ملاحظه‌لرینی بیان قیلیش‌گه حقلی لر.
تیفا یا افغانستان شفاف سیلاولر بنیادی‌نینگ رییسی نعیم ایوب‌زاده مذکور اداره‌نی مدیریتی ضعیف‌لیگی همده سهل انگارلیکده عیب‌له‌گن ایدی. شونینگ دیک او، بو اداره قرارلری حکومتگه قره‌شلی دیگن ایدی.
