.jpg)
بوگون «دوشنبه» کابلده نیچه ییغین یولگه قویگن سیاسی حزبلر و مدنی ادارهلردن بیرقطاری، نمایندهلر کینگشی و تومنلر کینگشی سیلاولری تنیق شکلده یولگه قوییلمهسی توغریسیده خواطر بیلدیرگنلر.
یاشلر مدنی ترماقلرینینگ اویغونلشتیرووچی مرکز باشلیغی عبدالودود افغان نینگ ایتیشیچه، حکومت ایچیده و تشقریسیده بولگن قطار کیشیلر سیلاولرده ساختهکارلیک بولیشی توغریسیده زمینه یرهتهدیلر. جناب افغان، حکومت و سیلاولر کمیسیونینینگ رسمیلریدن ساختهکارلیک قیلهدیگن گروهلر و کیشیلرنینگ آلدینی آلیشلرینی سورهیدی.
عین حالده، مدنی فعاللر و سیاسی سیمالردن بیرقطاری، کابلده بیر ییغین اوتکزیب کیلهجک سیلاولرده فساد یوز بیریشی توغریسیده خواطر بیلدیرگنلر.
اوشبو ییغینده، نمایندهلر کینگشی اعضاسی و گلبدین حکمتیار رهبرلیگیده بولگن اسلامی حزب اعضالریدن بیری عبدالله بارکزینینگ ایتیشیچه، سیلاولر جریانیده زورهوانلرنینگ آلدی آلینیشی لازم. اونینگ کوپهیتیریشیچه، سیاسی جریانلرگه سیلاولردن نظارت قیلیش حقی بیریلیشی کیرهک و هر بیر جریاننینگ مملکت بوییچه آواز بیریش مرکزلرده دفترلری بولیشی لازم.
کیلهجک سیلاولرگه نسبتن مدنی جماعهچیلیک و سیاسی جریانلرنینگ خواطرلری، دستلبکی رقملر اساسیده، حاضرگهقدر مملکت بوییچه نمایندهلر کینگشی و تومنلر کینگشی سیلاولریگه اشتراک قیلیش اوچون کمیده 3 میلیون کیشی رویخطگه آلینیب و بو جریان حاضرگچه دوام ایتهیاتگن بیرچاغده، بیان ایتیلگن.
