بوگون "دوشنبه" نماینده لرکینگشی سیلاویدن چیقاریلگن نامزدلردن بیرقطارینینگ طرفدارلری، سیلاولر ایرکین کمیسیونینینگ مرکزی دفتری ایشیگینی باغلهب و اوشبو نهاد ایشلاوچیلریگه کیریش اجازه بیرمهگنلر.
عینحالده، سیلاولر ایرکین کمیسیونی باشلیغی عبدالبدیع صیادنینگ بیر خبری ییغین آرقهلی ایتیشیچه، اوشبو کمیسیون امنیتی تهدید آستیگه قرار تاپگن. او حکومت دن سیلاولر کمیسیونینینگ مرکز و ولایتی دفترلری امنیتینی تامینلشی نی سورهگن.
جناب صیادنینگ ایتیشیچه، سیلاولر ایرکین کمیسیونی حاضرگهقدر کوپینچه قربانلیک بیرگن و کمیسیون ایشینینگ بیر کون کینگه قالیشی جبران بولمهیدی.
سیلاولرایرکین کمیسیونی باشلیغیگه کوره، اوشبو لایحه قیینچیلیک بیلن روپهره بولگن صورتده، اونینگ مسوولیتی سیلاولر کمیسیونی بوینیگه ایمس.
سیلاولر ایرکین کمیسیونی باشلیغینینگ ایتیشیچه، اعتراض اهالینینگ حقی دیر. بیراق اونینگ ایتیشیچه، کمیسیون ایشیگینی یاپیش ملی خیانت حساب لنهدی.
سیلاولر ایرکین کمیسیونی حکومتنی اوشبو نهاد خوفسیزلیگینی تامینلش خصوصیده دقت سیزلیککه عیبلگن.
بو توغریده جمهورلیک ریاستی فکرینی آلیش اوچون سعی و حرکت قیلدیک، بیراق جمهورلیک ریاستی سوزلاوچیسینینگ اورین باسری شاهحسین مرتضوی اوشبو توغریده ایچکی ایشلر وزیرلیگینی مسوول دیگن، ایچکی ایشلر وزیرلیگی دواملی تماسلریمیزگه جواب قیترمهدی.
