بوگون «شنبه» بدخشان ولایتی‌نینگ مدنی فعاللری، ولایتی کینگش اعضالری، نماینده‌لر کینگشی نامزدلری و یشاوچیلریدن اونلرچه‌سی ناراضیلیک بیر نمایش یولگه قوییب و مذکور ولایتده سیلاولر ایرکین کمیسیونی‌نینگ دفتری قیته‌دن شرط‌سیز آچیلیشی‌نی سوره‌گن‌لر.
اعتراضچی‌لرنینگ ایتیشیچه، سیلاولر شکایت‌لرینی تینگلش کمیسیونی‌نینگ قراری سونگی و قطعی دیر و رویخط‌دن چیقاریلگن نامزدلر ملی منفعت‌گه قرشی حرکت قیلیب و سیلاو جریانی‌نی قیین‌چیلیک‌که روپه‌ره قیلمس‌لری لازم.
اولرگه کوره، مرکزی حکومت سیلاولر کمیسیونی‌نینگ دروازه‌سینی آچیش گه قادر بولمه‌گن صورتده، اولرنینگ اوزی بو ایش گه قول اوره‌دی.
بدخشان مدنی فعاللریدن اسامه برهانی نینگ ایتیشیچه، اعتراض یشاوچی‌لرنینگ مدنی حقی دیر؛ بیراق ملی و سیاسی کته بیر جریان‌نی مدیریت قیله‌دیگن سیلاولر کمیسیونی‌نینگ ایشی گه توسیق ایجاد قیلیش کیچیریلمس دیر.
اونگه کوره، سیلاولر کمیسیونی‌نینگ ولایتی دفتری آچیلمه‌گن صورتده، اهالی اوزیگه ایش گه کیریب و سیلاولر اوچون وجودگه کیله‌دیگن احتمالی قیین‌چیلیک‌لرنی آلدینی آله‌دی.
نماینده‌لر کینگشی نامزدلریدن بیرقطاری‌نینگ آتی رویخط‌دن چیقاریلگنیدن سونگ، طرفدارلری 7 ولایتده سیلاولر ایرکین کمیسیونی‌نینگ ولایتی دفترلرینی باغله‌گن‌لر. فوزیه کوفی‌نینگ آتی نامزدلرنینگ سونگی رویخطی‌دن چیقاریلگنیدن سونگ، اونینگ طرفدارلری بدخشانده سیلاولر ایرکین کمیسیونی‌نینگ ولایتی دفتری‌نی باغله‌گن.
سیلاولر ایرکین کمیسیونی‌نینگ ولایتی دفتری قیته‌دن آچیلیشی اوچون حکومت‌نینگ سعی و حرکتی حاضرگچه نتیجه بیرمه‌گن.
