سیدجمال‌الدین افغان اوقیتووچیلری و اوقووچی‌لری، کمیده 7 آی تحصن دن سونگ، بوگون «ارگ، ارگ؛ ارتقا یا-ده اولیم» شعارلری بیلن جاده‌لرگه چیقیب ناراضیلیک بیلدیرگن‌لر.
اوشبو اعتراضچی‌لر بوگون تحصن‌لرینی سیندیریب و سیدجمال‌الدین افغاندن جمهورلیک ریاستی گچه ناراضیلیک بیلدیریب باریش گه قرار قیلگن ایدیلر؛ بیراق امنیتی کوچلر اولرگه بو ایش اوچون رخصت بیرمه‌گن‌لر.
سیدجمال‌الدین اوقیتووچیلری و اوقووچی‌لری، 7 آیدن بویان اوشبو تعلیمی مؤسسه عالی اوقووگه ارتقاء بیریلیشی خصوصیده تحصن قیلیب و درس و تعلیم‌دن قول تارتگن ایدیلر.
اولرنینگ ایتیشیچه، اوشبو اوقیتووچیلرنی تیارلش اکادمیه‌نی ارتقاء بیریش ریجه‌سی امکانیت و ظرفیت اساسیده، عالی اوقوو وزیرلیگی گه تقدیم ایتیلگن.
اولرگه کوره، حکومت شونچه مدتده اداری ایش‌لر بوییچه اداره‌سیدن کتبی نامه‌لر و هیأت‌لرنی یوباریب تحصن گه نقطه قوییش خصوصیده سعی و حرکت قیلگن؛ بیراق اولر ایستک‌لریگه ایجابی جواب قولگه کیریتگونگه‌قدر ناراضیلیک‌لری و مدنی حرکت‌لریگه دوام بیره‌دیلر.
باشقه تاماندن، سیدجمال‌الدین افغان اوقیتووچیلرنی تیارلش اکادمیه اوقووچیلریدن بیرقطاری‌نینگ ایتیشیچه، تعلیمات ظرفیتی‌نی ترقیاتی گه قره‌گنده اولر هم بوندن سونگ، لیسانس درجه سیگه فارغ بولیش‌نی ایسته‌یدیلر.
اوقیتووچیلر و اوقووچیلرنینگ آگاه‌لنتیریشیچه، ایستک‌لریگه ایجابی جواب بیریلمه‌گن صورتده، ناراضیلیک‌لرینی کینگه‌یتیریب و سیدجمال‌الدین افغان اکادمیه‌سیدن چیقیب و تحصن خیمه‌لرینی جمهورلیک ریاستی برابریده قوره‌دیلر.
بیراق، امنیتی رسمی‌لر سیدجمال‌الدین افغان دروازه‌لریگه قفل اوریب و اعتراضچی‌لرنینگ چیقیشی گه توسیق بولگن‌لر.
اداری ایش‌لر بوییچه اداره‌سی تامانیدن یوباریلگن هیأت میدیالرگه صحبت بیرمه‌ی اعتراضچی‌لرگه ایتیشیچه، سیدجمال‌الدین افغان اوقیتووچیلرنی تیارلش اکادمیه‌سینی عالی تعلیم درگاهی گه ارتقاء بیریش بحثی معارف وزیرلیگی‌دن آلینیب و عالی اوقوو وزیرلیگی گه تاپشیریلگن و نتیجه‌سی تیزلیک‌که اعلان ایتیله‌دی.
بیراق، عالی اوقوو وزیرلیگی‌نی نشراتی باشلیغی ضیا ساحل نینگ سلام‌وطندارگه ایتیشیچه، اعتراضچی‌لر دستلب قیین‌چیلیک‌لرینی معارف وزیرلیگی بیلن حل قیلیشی کیره‌ک.
عین حالده، سیدجمال‌الدین افغان اوقیتووچیلرنی تیارلش اکادمیه‌سی اوقیتووچیلری و اوقووچی‌لری‌نینگ آگاه‌لنتیریشیچه، ایستک‌لریگه ایجابی جواب بیریلمه‌گن صورتده، ناراضیلیک و تحصن‌لرینی کینگه‌یتیره‌دیلر.
