بوگون «دوشنبه» کابل‌ده خبری ییغین اوتکزگن سوو و برق وزیرلیگی‌نینگ مسؤوللری، قیشلاقلرنی کینگه‌یتیریش و رواجلنتیریش وزیرلیگی‌نینگ مسؤوللری، طبیعی حادثه‌لرگه قرشی کوره‌ش ایشلری بوییچه دولت وزیری و خلق ارا بانک نماینده‌سی‌نینگ حضوریده، مملکت سوو توغانلری‌نینگ سقله‌یدیگن خوفسیز لایحه قوریلیب، ریجه‌لنتیریلیب و تیارلنگنیدن خبر بیرگن.
سوو و برق وزیرلیگینی اورین باسری محمدخان تکل‌نینگ ایتیشیچه، اوشبو لایحه‌نینگ تیارلنیشی‌دن مقصد مملکت سوو توغانلرینی سقلش دیر.
اونینگ ایتیشیچه، ایچکی و چیت‌ایللیک متخصص‌لر 60 ییل آلدین قوریلگن 10 سوو توغانی‌نی تیکشیریب و قیین‌چیلیک‌لرینی رویخط‌گه آلگنلر.
خلق ارا بانکی‌ده سوو متخصصی میراحمد احمدنینگ ایتیشیچه، بو لایحه توغانلر خوفسیزلیگی ریجه‌سی اساسیگه خلق ارا بانکی تامانیدن تیارلنگن.
اونینگ ایتیشیچه، قرغه و درونته توغانی‌نینگ تیکشیریلیشی بوندن آلدین تکمیل ایتیلگن ایدی و اونینگ قیته‌قوریش ایشی دوام ایتماقده.
قیشلاقلرنی کینگه‌یتیریش و رواجلنتیریش وزیرلیگی مسووللری و طبیعی حادثه‌لرگه قرشی کوره‌ش ایشلری بوییچه دولت وزیری‌نینگ ایتیشیچه، بو لایحه‌نینگ عملی ایتیلیشی بیلن سوونینگ ضایع ایتیلیشی و توغانلرنینگ زیان کوریشی‌گه توسیق ایتیله‌دی.
مملکت سوو توغانلری‌نینگ خوفسیزلیک لایحه‌سی خلق ارا بانکی‌نینگ مالی و فنی همکارلیکی بیلن تیارگرلنگن.
سوو و برق وزیرلیگی مسووللری‌نینگ ایتیشیچه، حاضرده 20 کیچیک و کته توغانلرنی جدی مراقبت‌گه نیازی بار.
اولرنینگ ایتیشیچه، قرغه و درونته توغانلرینی تیکشیریلیشی چکه‌سیده، ماهی‌‍پر، سروبی، نغلو، سرحوض، سلطان، دهله و کجکی توغانلرینی تیکشیریش ایشی تکمیل ایتیلگن و قیته‌قوریش ایشی‌نینگ باشله‌نیشی ممکن.
