مملکت سوو برق وزیری علی احمد عثمانی، خوف‌سیزلیگی تامین ایتیلگن منطقه‌لرده‌گی لایحه‌لر توخته‌تیلیشی‌نی تن آلمس لیگی‌نی ایتگن.
بوندن ایکی کوندن بیری هرات ولایتیده استقامت قیله دیگن سوو برق وزیری عثمانی نینگ بیر خبری ییغین‌ده ایتیشیچه، سوو برق وزیرلیگی خوف‌سیزلیگی تامین ایتیلگن لایحه‌لر توخته‌تیلیشی باره‌سیده‌گی موضوعنی هیچ زمان تن آلمیدی.
وزیرنینگ هرات‌گه قیلگن سفریدن اساسی نیت «پاشتان» توغانی ایش لایحه‌سینی تیکشیریش بولگنی ایتیله‌دی.
جناب عثمانی‌گه کوره، سونگی بیر ییل جریانی‌ده پاشتان سوو توغانی‌نینگ ایشی نا قانونی شکل‌ده توخته‌تیب قوییلگن. اونگه کوره، بو مساله مذکور وزیرلیک اوچون قانیقرلی ایمس.
عثمانی، بو توغانده‌گی کیچیک بیر مساله، اوشبو بند قوریلیشی‌نی ییریک معماگه دوچار قیلگن دیگن، وزیرلیک بو معما حل ایتلیشی اوچون جدی سعی وحرکت قیله‌دی دیگن.
شونینگ‌دیک سوو برق وزیری، مذکور توغان‌ده فایده‌له‌نیله دیگن موادلر صفتی‌نی تیکشیرووچی اسکونه بولمه‌گن لیگی هم ایریم قیین چیلیک‌لرنی اورته گه چیقارگن دیگن.
ایتیلیشیچه، پادشتان سوو توغانی‌نی قوریش اوچون هیچ قنده‌ی مالی قیین‌چلیک موجود ایمس، مذکور سوو توغانی ایشی تکمیل ایتیلیشی اوچون ایکی ییل و ایکی آی قالگن.
جناب عثمانی، حاضر ایسه پاشتان بندی قوریلیش ایشی اوچون 117 میلون دالر پیمان کارلرگه بیریلگنی ایتگن.
500 متیر یوقاریلیک 100 متر اینی بولگن پاشتان بندی هرات شهری نینگ 20 کیلومترلیگی‌گه قره‌شلی کرخ ولسوالیگی‌ده جایلشگن.
بو منطقه ولایت اهالی‌سی نینگ اساسی دم آلیش مرکزلریدن ایکنی ایتیله‌دی.
شونینگ‌دیک پاشتان توغانی 45 میلیون متر مکعب سوونی ذخیره قیلیش‌دن تشقری، بلیغ پرورش قیلیش اوچون ییریک مرکز حسابلنه‌دی.
سوو برق وزیری‌نینگ هرات سلمان توغانی باره‌سیده ایتیشیچه، لایحه‌نی عمل‌گه آشیرووچی هندوستان‌لیک مسوول‌لر تاماندن هنوزگچه اوشبو توغان توغریسیده معلومات قول‌گه کیریتیلمه‌گن.
اوتگن هفته هرات ولایتی‌نینگ والیسی محمد آصف رحیمی سلما توغانی‌نینگ ایشی 45- 50 کون ایچیده باشلنه‌دی دیگن وعده بیرگن ایدی.
شونینگ‌دیک افغانستان سوو برق وزیری، غور ولایت مرکزی فیروز کوره شهری نینگ 18 کیلومترلیگ‌ده جایلشگن منطقه ده بیر سوو توغانی قوریلیشی اوچون ایش جریانی بارلیگی‌نی ایتگن.
اوتگن نیچه ییل جریانی‌ده افغانستانده‌گی سوو توغالریده تشقی و ایچکی شرکت‌لرنینگ یاتقیزگن سرمایه‌لری‌گه قره‌می، اما، هنوز هم افغانستان‌ده دییرلی سوو توغان‌لری تاسیس ایتیلمه‌گن لیگی ایتیله‌دی.
