افغانستانده ینگی تیزیم باشلنگنیدن 17 ییل اوتماقده، حاضر مرکزی حکومت غور ولایتی‌نینگ مرکزی فیروزکوه شهری‌نینگ شرقی‌ده 11 میلیون دالردن آرتیق خرجت کوتره‌دیگن قویاش‌دن 5 میگاوات برق ایشلب چیقاریش پروژه‌سینی عملی قیلیش اوچون سعی و حرکت قیلماقده.
بیراق، غور مدنی فعاللری بو پروژه دن تنقید قیلیب ایتیشیچه، مرکزی حکومت پوزلیچ برق توغانی گه قویاش برق پروژه‌سینی ترجیح بیرمه‌سی کیره‌ک.
مدنی فعاللرگه کوره، بو پروژه بیر تاماندن آز دیر و باشقه بیر تاماندن بو ولایت یشاوچیلری‌نینگ برچه نیازلرینی برطرف قیله آلمه‌یدی.
شونینگدیک، غور ولایت کینگشی باشلیغی فضل‌الحق احسان، مرکزی حکومت‌نینگ دقت‌سیزلیگی‌دن تنقید قیلیب ایتیشیچه، قویاش‌دن برق ایشلب چیقاریش پروژه ایشی عملی بولیشی یانیده اهالی بیلن بیرگه‌لیک‌ده پوزلیچ برق توغانی‌نینگ ایشی یکونلنیشی اوچون دادخواهلیک قیله‌دیلر.
بیراق، غور حاکمی‌نی سوزلاوچیسی عبدالحی خطیبی، قویاش‌دن 5 میگاوات برق ایشلب چیقاریش پروژه‌سینی بو ولایتده باشقه رواجلنتیریش پروژه‌لر تطبیق ایتیلیشی اوچون عملی بیر آدیم بیلیب ایتیشیچه، اوشبو پروژه یکونلنگن صورتده، ولایت یشاوچیلری‌نینگ قیین‌چیلیک‌لریدن بیر قسمی برطرف ایتیله‌دی.
غور ولایتی‌نینگ مدنی فعاللری، مرکزی حکومت‌دن قویاش برقی‌نی جایی گه پوزلیچ برق توغانی‌نینگ ایشی‌نی یکونلنتیریشی‌نی سوره‌گن و اولرنینگ ایشانچی گه کوره، اوشبو برق توغانی فایده‌لنیش‌گه تاپشیریلگن صورتده، اونلرچه جریب ایکینچیلیک ییر سوولنتیریلیب و اهالی‌نی ایچیملیک سوو توغریسیده بولگن قیین‌چیلیگی هم حل بوله‌دی.
