بیر قطار سوداگرلر افغانستان ایچکی ایشلر وزیرلیگی 1391 و 1932- ییل‌نینگ آزیق آوقت یاقیلغی ماده‌لر پولینی هنوزگه تولمه‌گن دیگن‌لر. ملی پولیس کوچلری اوچون یاقیلغی ماده‌لر و ییگولیک آزیق آوقت ساتیب آلینگن اوچ میلیارد و تورت یوز میلیون افغانی هنوزگچه اوشبو وزیرلیک تامانیدن بیریلمه‌گن. سوداگرلر هر بار حق‌لری اوچون وزیرلیککه مراجعه قیلگن‌ده رد جوابی آلگن‌لر.
مذکور شرکت‌نینگ ایگه‌لریدن بیری اسلام یفتلی‌نینگ سوزلریگه کوره، اینگ یامان شرایطد‌ه پولیس یانیده توریب ملی پولیس‌نی ییگولیک آزیق آوقت و کییم بیلن تامین قیلگن‌لر، اما هلی حکومت قرضی اوچون اعتبار بیرمیدی.
یفتلی، حکومت بیلن اوشبو شرکت‌لر اورته‌سیده امضالنگن شرطنامه اساسیده ایش جریانی‌ده بیر کون سکته‌لیک یوز بیرسه شرکت‌لر 50 مینگ افغانی جرمه تولش‌گه مجبور بوله‌دی دیگن، اما حق‌لری دولت تامانیدن تولنمه‌گن‌ده مسووللر هیچ قنده‌ی جریمه تولمی دیلر.
سوداگرلردن باشقه بیر سیدیحیاسادات‌نینگ بیلدیریشیچه، اینگ یامان حالت‌لرده ملی پولیس کوچلرینی آزوقه بیلن تامین قیلگن‌لر، لیکن، مسووللر پول تولش برابریده شرکت‌لر ایگه‌سی بین قوپال معامله قیله‌دی.
اوشبو سوداگرلرگه کوره، مالیه وزیرلیگی‌نینگ تامینات بولمی اورین باسری جاری جریانی‌ده پول بیریش اوچون وعده بیرگن، بیراق هنوزگچه هم پول تولمه‌گن.
جناب سادات وزیرلیککه سودا آلیب بیریلگن‌ده بیر دالر 47 افغانی بولگن اما بوگون ایسه بیر دالر 70 افغانی‌گه کوتاریلگن، مذکور مبلغ اوشبو تفاوت بیلن تولنگن حالده ضرر قیلیشلرینی ایتگن.
بو توغریده افغانستان ایچکی ایشلر وزیرلیگی فکرینی اورگه‌نیش اوچون آلیب باریلگن سعی و حرکت‌لر نتیجه بیرمه‌گن.
