.jpg)
بادغیس ولایتیده بیرینچی بار نیازمند اوقووچی‌لر اوچون درسی کتاب توپلش کمپاین یولگه قوییلدی.
اوشبو کمپاین بوگون «دوشنبه، 24- سرطان»، «کم‌بغل اوقووچی‌لر اوچون کمیده بیر جلد درسی کتاب یاردم بیریب سوادسیزلیک و جهالت گه قرشی کوره‌ش» نامی‌ده بادغیس مرکزی قلعۀ‌نو شهری و تومن‌لریده باشلنگن و بیر آیگچه دوام ایته‌دی.
بادغیس معارف ریاستی مسؤوللری نینگ ایتیشیچه، مذکور ولایت مکتب‌لری نینگ اوقووچی‌لریدن 62% درسی کتاب کم‌لیگی گه روپه‌ره بولیب تورگن و بو کمپاین آرقه‌لی کتاب توپلنگنده، اوقووچی‌لرنینگ قیین‌چیلیک‌لریدن کته قسمی حل ایتیله‌دی.
بادغیس معارف ریاستی باشلیغی زکریا رحیمی نینگ ایتیشیچه، بوندن آلدین نیچه مرته معارف وزیرلیگی‌دن درسی کتاب طلب قیلگن‌لر، بیراق حاضرگچه کتاب بیریلمه‌گن.
بادغیس مرکزی قلعۀ‌نو شهری نینگ یشاوچیلریدن بیرقطاری، معارف ریاستی نینگ بو ایشینی خوش قرشی‌لب ایتیشیچه، معارف ترقیاتی اوچون بازاردن کتاب آلیب و اوقووچی‌لرنینگ اختیاریده قوییش گه حاضر دیر.
بادغیس ولایتی نینگ مکتب‌لرینی اوقووچی‌لری درسی کتاب کم‌لیگی گه علاوه، بِنا، میز و چوکی یوقلیگی‌دن شکایت قیله‌دیلر.
