جمعه کونی پاکستان ملی مجلسی نینگ بیر قنچه اعضاسی افغانستان کیلدی. هلی ایسه افغانستان سنا مجلسی نینگ اعضالری پاکستانلیک اوشبو هیات‌دن افغانستان تینچلیک لایحه‌سیگه همکارلیک قیلیشنی سوره‌گن.
افغانستان سنا مجلسی نینگ باشلیغی فضل هادی مسلمیار مجلس نینگ بوگونکه عمومی ییغینیده، افغانستانلیکللرنینگ امنیتی قیین چیلیگی توغریسیده‌گی تشویشلرینی پاکستانلیک هیاتلرگه ایتگن.
مجلس نینگ بیر قنچه اعضالری، ایکّی مملکت نینگ سیاسی حزبلری، مجلس اعضالر و سناتولری اورته‌سیده بونده‌ی ییغینلر بولیب اوتیشی افغانستان وضعیتی یخشی له‌نیشی اوچون کومک قیله‌دی دیگنلر.
اما، افغانستانلیک سناتورلرنینگ بیر قطاری ایسه سابقلر هم بو قبیل اولتیریشلر بولیب اوتگن، لیکن هیچ قنده‌ی ایجابی نتیجه بیرمه‌گن دیدیلر.
زلمی زابلی نینگ سوزلریگه کوره، مجلس نینگ بوتون اعضالری پاکستانلیک هیاتلر بیلن اوچره‌شیب موجود قیین چیلیکلرنی اورته‌گه قویه دیلر.
ملی بیرلیک حکومتی وجودگه کیلگندن سونگ رسمی کابل – اسلام آباد علاقه‌سی تره‌نگله‌نیش‌گه یوز توتدی. جمهور رییس پاکستان حکومتیدن ایکی مملکت نینگ سیاسی مناسبتی یخشی له‌نیشی اوچون پاکستان پارلمان اعضالرینی کابل‌گه یوباریشنی سوره‌گن ایدی.
