بوگون «چهارشنبه» کابل‌ده خبری بیر ییغین اوتکزگن سنامجلس اعضاسی و اوشبو مجلس‌نی مدافعه کمیسیونی کاتبی افضل شامل نینگ ایتیشیچه، تخار ولایتیده اسلامی حزب محلی قومندانلریدن بیری بشیر قانت، 5 مرته جانی گه قصد قیلگن.
جناب شامل نینگ ادعا قیلیشیچه، تورت سوءقصد دن قوتیلگن، بیراق بیشینچی هجوم ده اوزی یره‌لنیب و تورموش اورتاغی هلاک ایتیلگن.
سنا کینگشی‌نینگ اوشبو اعضاسی، عدلی و قضایی اداره‌لردن مذکور هجوم نینگ ریجه‌لگن کیشی قانون گه تاپشیریلیشی نی سوره‌گن.
عین حالده، بشیر قانت ایناغه‌سی فایق قانت مذکور ادعالرنی رد قیلیب ایتیشیچه، ایناغه‌سی هجوم چاغیده مملکتدن تشقی ایکن.
جناب قانت گه کوره، سنا کینگش اعضاسی افضل شامل تدقیقاتی تیم گه اویی گه کیریش رخصتی نی بیرمه‌گن و جناب شامل، بشیر قانت نینگ اوشبو حادثه گه قولی بارلیگی نی کورسته‌دیگن خصوصیده بیران حجتی بولگن صورتده، تدقیقاتی تیم نینگ ایشی گه توسیق بولمه‌سی کیره‌ک ایدی.
جاری هفته نینگ یکشنبه کیچه‌سیده، ناتانیش قوراللی کیشی‌لر کابل شهری نینگ کلوله پشته منطقه‌سیده جایلشگن جناب شامل نینگ اویی گه هجوم قیلدی و نتیجه‌ده جناب شامل یره‌لنیب و اونینگ تورموش اورتاغی هلاک بولدی.
شونینگدیک ایچکی ایشلر وزیرلیگی مذکور هجوم توغریسیده تدقیقات باشلنگنیدن خبر بیرگن.
